ජනතාව පෝලිම්වල සිටිනවා දකින විට මට හමත් දුකක් දැනෙනවා යැයි වාරිමාර්ග අමාත්‍ය, ආරක්ෂක රාජ්‍ය අමාත්‍ය සහ ස්වදේශ කටයුතු රාජ්‍ය අමාත්‍ය චමල් රාජපක්ෂ මහතා පවසනවා.
කොළඹදී ඊයේ (29) පැවති උත්සවයකට සහභාගීවෙමෙන් අනතුරුව මාධ්‍යවේදීන් වෙත අදහස් දක්වමින් අමාත්‍යවරයා මෙම අදහස් පලකළා.
තවමත් තමන්ට ගමට යෑමේ හැකියාව ඇති නමුත් ජනතාව පෝලිම්වල සිටීම දුක් දෙන්නක් බව චමල් රාජපක්ෂ මහතා පවසනවා.
මේ වන විටත් පවතින අර්බුදකාරී තත්ත්වයන් හමුවේ ඉල්ලා අස්වීම් සිදුකිරීමෙන් පලක් නොමැති බවත් අවශ්‍ය වන්නේ ප්‍රශ්නවලට විසඳුම් සෙවීම බවත් අමාත්‍යවරයා පෙන්වා දෙනවා.
තෙල් සහ ගෑස් පෝලිම්වල සිටින ජනතාව ආණ්ඩුවට තදින් දොස් පැවරීම පිළිබදව ඉතා හොඳින් දැනුවත් නමුත් රජයෙන් ඒ සඳහා ලබාදෙන පිළිතුරු ප්‍රමාණවත් නොවන බවයි චමල් රාජපක්ෂ මහතා වැඩිදුරටත් පවසන්නේ.
