ඉන්දීය ක්රිකට් පාලක මණ්ඩලයේ නවතම වාර්ෂික ක්රීඩක කොන්ත්රාත්තු පිරිනැමීමේදී රවින්ද්ර ජඩේජා A+ කාණ්ඩයට උසස් කර තිබෙනවා.
එම කාණ්ඩයේ රැඳී සිටින සෙසු ක්රීඩකයින් වන්නේ විරාත් කෝලි, රෝහිත් ෂර්මා සහ ජස්ප්රිට් බුම්රායි.
පිළිවෙලින් B සහ C කාණ්ඩවල සිටි අක්සාර් පටෙල් සහ හර්ඩික් පාන්ඩ්යා A කාණ්ඩයට උසස්වීම් ලැබ තිබෙනවා.
කේ එල් රාහුල් A කාණ්ඩයේ සිට B කාණ්ඩය දක්වා පහත හෙළීම කැපී පෙනනවා.
ෂුබ්මන් ගිල් සහ සූර්යකුමාර් යාදෙව් C කාණ්ඩයේ සිට B කාණ්ඩයට උසස්වීම ලැබුවා.
කුල්දීප් යාදෙව්, ඉෂාන් කිෂාන්, දීපක් හූඩා, සංජු සැම්සන්, අර්ෂ්දීප් සිං, කේ එස් භාරත් කොන්ත්රාත් ගිවිසුම් ලැබූ නව ක්රීඩකයින් ලෙස C කාණ්ඩයට ඇතුලත්ව සිටිනවා.
මීට පෙර B කාණ්ඩයට ඇතුලත්ව සිටි අජින්ක්යා රහානේ සහ ඉෂාන් ෂර්මාට මෙවර ක්රීඩක කොන්ත්රාත්තු පිරිනමා නැහැ.
භුවනේෂ්කුමාර්, හනුමා විහාරි, දීපක් චහාර්, මයන්ක් අග්රවාල් සහ විර්දිමාන් සහා කොන්ත්රාත් ගිවිසුම් අහිමි සෙසු ක්රීඩකයින් වනවා.
A+ කොන්ත්රාත් වටිනාකම ඉන්දීය රුපියල් කෝටි 7ක්.
A කොන්ත්රාත් වටිනාකම ඉන්දීය රුපියල් කෝටි 5ක් සහ B කොන්ත්රාත් වටිනාකම කෝටි 3ක් වනවා.
C කොන්ත්රාත් ගිවිසුමක වටිනාකම ඉන්දීය රුපියල් කෝටියක්.
ඉන්දීය ක්රිකට් පාලක මණ්ඩලයේ ක්රීඩක කොන්ත්රාත් පිරිනැමුණේ පහත පරිදියි.
A+ කාණ්ඩය – රෝහිත් ෂර්මා, විරාත් කෝලි, ජස්ප්රිට් බුම්රා සහ රවීන්ද්ර ජඩේජා
A කාණ්ඩය – හර්දික් පාන්ඩ්යා, රවිචන්ද්රන් අශ්වින්, මොහොමඩ් ෂමී, රිෂාබ් පාන්ට් සහ අක්සාර් පටෙල්
B කාණ්ඩය – චේතේෂ්වර් පුජාරා, කේඑල් රාහුල්, ෂීයර්ස් අයියර්, මොහොමඩ් සිරාජ්, සූර්යකුමාර් යාදෙව් සහ ෂුබ්නම් ගිල්
C කාණ්ඩය – උමේෂ් යාදෙව්, ෂිකර් ධවාන්, ෂර්දුල් ථාකූර්, ඉෂාන් කිෂාන්, දීපක් හූඩා, යුස්වේන්ද්ර චහල්, කුල්දීප් යාදෙව්, වොෂින්ටං සුන්දර්, සංජු සැම්සන්, අර්ෂ්දීප් සිං සහ කේඑස් භාරත්