බැසිල් රාජපක්ෂ මහතා ප්රධානත්වය දරණ ජනාධිපති කාර්ය සාධක බලකාය මේ වන විට ජනවාරි මාසයේ දෙවැනි සතිය වන විට සංචාරක කර්මාන්තය නැවත විවෘත කිරීමේ බලාපොරොත්තුවෙන් සාකච්ඡාවක් පවත්වා ඇත.
ඒ අනුව ඉදිරියේදී බාධාවකින් තොරව සංචාරකයන්ට සහ ශ්රී ලාංකිකයන්ට රට තුළට ඇතුළුවීමට හැකියාව ලැබෙනු ඇත.
ඒ සඳහා පීසීආර් පරීක්ෂණ වැඩි සංඛ්යාවක් සිදු කිරීම සඳහා සැලසුම් කර ඇත. එහිදී රටට ඇතුළුවන පුද්ගලයන් සියළුදෙනා පීසීආර් පරීක්ෂණවලට ලක් කිරීමට සැලසුම් කර ඇත. රටට ඇතුළුවන සංචාරකයන් සිටින හෝටල්වලටම පැමිණ පරීක්ෂණ කිරීමට සැලසුම් කර තිබේ. බැසිල් රාජපක්ෂ මහතා කියා ඇත්තේ මේ වන විට ලෝකයේ වෙනත් රටවලද සෞඛ්යාරක්ෂාව සඳහා තද ක්රියාමාර්ග සහිතව දේශසීමා විවෘත කර ඇති බවය.
ඒ අනුව ඉදිරියේදී පෞද්ගලික අංශයේ පීසීආර් පරීක්ෂණ සංඛ්යාව වැඩි කිරීමටත් සැලසුම් කර ඇත. දිනකට පෞද්ගලික අංශයෙන් සිදු කරන පරීක්ෂණ 3000ක් බවත්, ඒ සංඛ්යාව වැඩි කිරීම පිළිබඳ පෞද්ගලික රෝහල් සමග සාකච්ඡා කළ යුතු බවත් පෙන්වා දී ඇත.
මේ පිළිබඳ පසුගිය සතියේ බැසිල් රාජපක්ෂ මහතාගේ ප්රධානත්වයෙන් සාකච්ඡා පවත්වා ඇත. ඒ සඳහා සෞඛ්ය, සංචාරක සහ ගුවන් ක්ෂේත්රවල පිරිස් සහභාගී වී ඇත. සෞඛ්ය ඇමතිනී පවිත්රා වන්නිආරච්චි, සංචාරක අමාත්ය ප්රසන්න රණතුංග, වැවිලි කර්මාන්ත අමාත්ය රමේෂ් පතිරණ එයට සහභාගී වී ඇත. ඊට අමතරව රාජ්ය අමාත්යවරැන් වන ඩී.වී. චානක, චන්න ජයසුමන, නිමල් ලාන්සා එයට සහභාගී වී ඇත. සංචාරක අමාත්යාංශයේ ලේකම්, සෞඛ්ය අමාත්යාංශයේ ලේකම්, සෞඛ්ය සේවා අධ්යක්ෂ ජෙනරාල් ඇතුළු ඉහළ නිලධාරීන් පිරිසක් ඊට අමතරව එයට සහභාගී වී තිබේ.