ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතාට පාර්ලිමේන්තුවට පැමිණීමට අවස්ථාව සලසා දීම සඳහා එම පක්ෂයේ ජාතික ලැයිස්තු පාර්ලිමේන්තු මන්ත්‍රී ජයන්ත කැටගොඩ මහතා සිය මන්ත්‍රී ධූරයෙන් ඉල්ලා අස්වී තිබෙනවා.
ඒ මහතා සිය ඉල්ලා අස්වීමට අදාළ ලිපිය පාර්ලිමේන්තු මහලේකම්වරයාට මේ වන විටත් භාරදී ඇති බව ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා පවසනවා.
1991 කඩුවෙල ප්‍රාදේශීය සභාවට තේරී පත්වූ ජයන්ත කැටගොඩ මහතා එහි විපක්ෂ නායකවරයා ලෙසද කටයුතු කළා.
අනතුරුව 1997 වසරේ නැවතත් එම ප්‍රාදේශීය සභාවට තේරී පත්වූ අතර 2000 වසරේදී පාර්ලිමේන්තුවට තේරී පත්වූයේ එවක ඔහු නියෝජනය කල ප්‍රජාතන්ත්‍රවාදී පක්ෂයේ නායකයා වූ ජෙනරාල් සරත් ෆොන්සේකා සිරගත කිරීම හේතුවෙන් පුරප්පාඩු වූ මන්ත්‍රී අසුන සදහාය.
පසුව ඔහු මහින්ද රාජපක්ෂ ආණ්ඩුව සමග 2014 වසරේ එක්වුණා.
පසුගිය ජනාධිපතිවරණයට ස්වාධීන අපේක්ෂකයෙකු ලෙසට ජයන්ත කැටගොඩ මහතා ඉදිරිපත් වුණා.
අනතුරුව පසුගිය පාර්ලිමේන්තු මැතිවරණයේදී ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයෙකු ලෙස ජයන්ත කැටගොඩ මහතා පාර්ලිමේන්තුවට පිවිසියා.
