ඉහළ පෙළේ කොමියුනිස්ට් පක්ෂ නායකයෙකුගෙන් ලිංගිකව හැසිරීමට බලපෑම් එල්ල වූ බවට ප්රසිද්ධියේ චෝදනා කිරීමෙන් පසු එකවරම නිහඩ ප්රතිපත්තියක් අනුගමනය කිරීමට කටයුතු කළ චීන ටෙනිස් තරුවක් වන පෙන්ග් ෂුයායි තවමත් බියෙන් සහ සැකයෙන් පසුවන බවත් තර්ජනයකට මුහුණ දී සිටින බවටත් වාර්තා පළවී තිබේ.
ඇයව සම්මුඛ සාකච්ඡාවකට ලක් කළ මාධ්යවේදියෙකු අනාවරණය කර ඇත්තේ, නිදහසේ අදහස් ප්රකාශ කළ හැකිද සහ නිදහසේ ගමන් කළ හැකිද යනුවෙන් ඇය වෙත යොමු කළ ප්රශ්නවලට පිළිතුරු නොලැබුණු බවයි.
පෙන්ග් හෙළිකළ ලිංගික බලපෑම් චෝදනාවෙන් පසු සති ගණනාවක් ඇය සමාජයෙන් අතුරුදහන් වී සිටි අතර පසුව චීන නිලධාරීන් විසින් සංවිධානය කරන ලද ඡායාරූප අවස්ථාවන්හි පමණක් පෙනී සිටියාය.
පසුගියදා චීන ඔලිම්පික් නිලධාරීන්ගේද සහභාගිත්වයෙන් ඇය සමඟ පැවැත්වූ සීමාකාරී සම්මුඛ සාකච්ඡාවකදී පෙන්ග් සමඟ සාකච්ඡා කළ ප්රංශ ක්රීඩා මාධ්යවේදීන් දෙදෙනෙකුගෙන් එක් අයෙකු වන මාර්ක් වෙන්ටවුලික් පැවසූයේ, සිද්ධියෙන් පසු ඇයට නිදහසේ කටයුතු කිරීමට අවස්ථාව ඇද්දැයි යන්න ගැන තමාට තවමත් විශ්වාස නැති බවයි.