ඇෆ්ගනිස්තානයේ විදුලිය සැපයුම මුලුමනින්ම පාහේ බිදවැටීමේ අනතුරක් මතුව ඇතැයි විදෙස් මාධ්ය වාර්තා කරයි.
මෙම තත්වයට හේතුවී ඇත්තේ එරට විදුලි සැපයුමෙන් හරි අඩකටත් වඩා සපයනු ලබන මධ්යම ආසියානු රටවල විදුලි සැපයුම්කරුවන්ට අදාළ ගෙවීම් සිදුකිරීමට තලේබාන් පාලනය අපොහොසත්වීමයි.
ඇෆ්ගනිස්තාන විදුලි අධිකාරියේ ප්රධානියාව සිට තනතුරෙන් ඉල්ලා අස්වූ ඩාවුඩ් නූර්සායි සදහන් කර ඇති ආකාරයට මෙම තත්වය හේතුවෙන් එළඹෙන ශීත කාලයේදී ඇෆ්ගනිස්තානයේ දැවැන්ත මානුෂීය අර්බුදයක් හටගැනීමට ද ඉඩ තිබේ.
ඇෆ්ගනිස්තානයේ විදුලිය සැපයුමෙන් වැඩි ප්රමාණයක් තජිකිස්තානය, උස්බෙකිස්තානය සහ ටර්ක්මේනිස්තානය යන අසල්වැසි මධ්යම ආසියානු රටවලින් ආනයනය කෙරේ.
එරට තුළ සුළු වශයෙන් ජල විදුලි බල නිෂ්පාදනය සිදුකළද නියගය හේතුවෙන් මේ දිනවල එයද විශාල වශයෙන් අඩපණ වී ඇති බව විදෙස් මාධ්ය වාර්තා කරයි.