ඇෆ්ගනිස්ථානයට මෑතදී පාකිස්ථානය එල්ල කළ ගුවන් ප්‍රහාරවලට විරෝධය පළ කරමින් දහස් ගණනක ජනතාවක් කන්දහාර් හි දී විරෝධතා දක්වා තිබේ.
අප්‍රේල් 16 දා පාකිස්තාන හමුදාව කොඑස්ට් පළාතේ ස්පිරි ප්‍රදේශයට ගුවන් ප්‍රහාර එල්ල කළ අතර කුනාර් පළාතේ ෂිල්ටන් දිස්ත්‍රික්කයට ෂෙල් ප්‍රහාර එල්ල කළේය.
මෙහිදී සිවිල් වැසියන් 40 ක පමණ පිරිසක් මියගිය බවට වාර්තා විය.
මීට විරෝධය පළ කරමින් කන්දහාර්හි පෙළපාලි ගිය ඇ‍ෆ්ගන් වැසියෝ පාකිස්ථානයට එරෙහිව දැඩි ප්‍රතිචාරයක් දක්වන ලෙස තලේබාන් පාලකයන්ගෙන් ඉල්ලා සිටියහ.
මීට පෙර ගිනිකොනදිග කොඑස්ට් සහ නැඟෙනහිර නන්ගර්හාර් පළාත්වල පදිංචිකරුවෝද මෙම ගුවන් ප්‍රහාරවලට විරෝධය දක්වමින් විරෝධතා රැස්වීම් පැවැත්වූහ.
ඇෆ්ගනිස්තානයේ සිට එල්ල කෙරැණු ප්‍රහාරයක් හේතුවෙන් තම හමුදා සාමාජිකයන් පිරිසක් මියයාම හේතුවෙන් පකිස්තානය මෙම ප්‍රහාර එල්ල කළේය.
