ඉතිහාසයේ කිසි දා නො වූ විරූ දේශපාලන හා සාමාජික අර්බුද රැසකට ශ්රී ලංකාව මුහුණ දී ඇති බව ගැටඹේ රාජෝපවනාරාමාධිපති කැප්පිටියාගොඩ සිරිවිමල හිමියන් පවසනවා.
ඒ, හිටපු ජනාධිපති ගෝඨාභය රාජපක්ෂගේ ආරක්ෂාව හා අයිතිවාසිකම් සුරක්ෂිත කරලීම පිළිබඳව ජනාධිපති රනිල් වික්රමසිංහ වෙත ලිපියක් යොමු කරමින්.
ශ්රී ලංකාවේ සිංහල බෞද්ධ අතිමහත් ජනවරමකින් ජනාධිපති ධුරයට පත් වූ හිටපු ජනාධිපති ගෝඨාභය රාජපක්ෂ, ස්වකීය ද්විත්ව පුරවැසිභාවය පවා අහිමි කරගත්තේ, ශ්රී ලංකාවට අවංක සේවයක් ඉටු කිරීමේ අරමුණෙන් බවත් වසර 74ක දේශපාලන ඉතිහාසය තුළ සෙසු අය ද සිදු කළ සියලු වැරැදිවල අනිසි විපාක විඳින්නට සිදු වුණේ, වැරැදි නො කළ සාමකාමී ගෝඨාභය රාජපක්ෂට බවත් සාමාන්ය පුරවැසියෙකුට තම රට තුළ හිමි විය යුතු ජීවත් වීමේ වරප්රසාදය ද එතුමාට අහිමි වී ඇති බවත් කැප්පිටියාගොඩ සිරිවිමල හිමි එම ලිපියේ සඳහන් කරනවා.
එසේ තම රටෙන් පිට වී සිටීමට ගෝඨාභය රාජපක්ෂට අවශ්ය නො වන බවත් ඔහු මෙම රටේ ගෞරවණීය පුරවැසියෙකු මෙන් ම අපට රටක් හිමි කර දුන් ප්රබල පුරවැසි උරුමකරුවකු බව ද අමතක නො කළ යුතු බවත් සිරිවිමල හිමි සිහිපත් කරන අතර මවුබිම දෙකඩ කිරීමට දමිළ කොටි ත්රස්ථවාදීන් විසින් 30 වසරක් පුරා ගෙන ගිය කුරිරු යුද්ධය අවසන් කිරීමට නායකත්වය දුන්නේ ද මේ අභීත රණවිරු ගෝඨාභය රාජපක්ෂ බවත් සොංහල, දමිළ, මුස්ලිම් සියලු ජනතාව අද බියෙන් සැකයකින් තොර ව රට තුළ ජීවත් වන්නේ ගෝඨාභය රාජපක්ෂ නිස බවත් උන් වහන්සේ පවසනවා.
ලක්ෂ 69ක මහජන ජන වරමකින් ජනාධිපති ධුරයට පත් වූ ගෝඨාභය රාජපක්ෂ, බහුතර සිංහල බෞද්ධ පුරවැසියන්ගේ බලාපොරොත්තු ඉටු කිරීමේ අපේක්ෂාවෙන් සිටිය ද කොරෝනා වසංගතය ඊට එදිරි වූ බවයි කැප්පිටියාගොඩ සිරිවිමල හිමි අවධාරණය කරන්නේ.