කොවිඩ් වසංගතය හේතුවෙන් මාස විස්සක පමණ කාලයක් වසා දමා තිබූ ඉන්දියාව සහ පකිස්තානය අතර වන කර්තර්පූර් කොරිඩෝව විවෘත කර තිබේ.
ඒ අනුව මේ මස 22 වනදා සිට 26 වනදා දක්වා පැවැත්වෙන සීක් දහමේ නිර්මාතෘ ගුරුනානක් දේව්ගේ 552 වන ජන්ම දින සැමරුමට සහභාගීවීමට ඔහු උපත ලැබූ නන්කානා සාහිබ් ප්‍රදේශයේ පිහිටි දේවස්ථාන වෙත යාමට ඉන්දීය සීක් බැතිමතුන්ට අවස්ථාව හිමිවනු ඇත.
දැනටමත් පකිස්තානය විසින් ඒ සදහා ඉන්දීය සීක් බැතිමතුන් තුන්දහසකට පමණ වීසා ද නිකුත් කර ඇති බව සදහන් වේ.
සීක් දහමේ වැදගත් දේවස්ථාන රැසක් පකිස්තානය තුළ පිහිටා ඇති අතර ඉන්දියාවේ සිටින සීක් බැතිමත්හු විවිධ වැදගත් උත්සවවලදී කර්තර්පූර් කොරිඩෝව හරහා ගමන් කරමින් ඒවාට සහභාගි වෙති.
කෙසේවෙතත් කෝවිඩ් වසංගතය හේතුවෙන් මේ වසරේ මීට පෙර අවස්ථා දෙකකදීම පකිස්තානය ඉන්දීය සීක් බැතිමතුන්ට කර්තර්පූර් කොරිඩෝව හරහා යාමට වීසා නිකුත් කිරීම ප්රතික්ෂේප කර තිබිණ.
