කතරගම වැඩසිටි කන්ද මාර්ගය ප්‍රදේශයෙන් වෙඩිතැබීමක් වාර්තා වී තිබෙනවා.
පොලීසිය සඳහන් කළේ කතරගම වැඩසිටි කන්ද පාරේ රථ ගාල ආසන්නයේදී යතුරුපැදියකින් පැමිණි පුද්ගලයින් දෙදෙනෙකු යතුරුපැදියකින් ගමන් කරමින් සිටි පුද්ගලයෙකු ඉලක්ක කර මෙම වෙඩිතැබීම සිදුකර පළාගොස් තිබෙන බවයි.
එම ප්‍රදේශයේ පදිංචි ප්‍රදීප් ලක්මාල් නමැති 46 හැවිරිදි සටන් කලා උපදේශයෙක් ඉලක්ක කර මෙම වෙඩිතැබීම සිදුව තිබෙන අතර ඔහුගේ දකුණු පාදයේ පහළ ප්‍රදේශයට වෙඩිවැදී තිබෙනවා.
වෙඩිතැබීම සිදු වූ අවස්ථාවේදී ඔහු සමග යතුරුපැදියේ තවත් පුද්ගලයෙකු ගමන් කරමින් සිට ඇති බවත් වෙඩිවැදුණු පුද්ගලයා කතරගම ප්‍රාදේශීය රෝහලේ ප්‍රතිකාර ලබන අතර සිද්ධිය සම්බන්ධයෙන් කතරගම පොලීසිය වැඩිදුර පරීක්ෂණ සිදුකරන බවට
තොරතුරු සඳහන්.
