සිරිල් ගාමිණී පියතුමන්ට එරෙහිව සිදුකරන අපකීර්තියට සහ පීඩනයට එරෙහිව තමා පුද්ගලිකව ජිනීවා මානව හිමිකම් කවුන්සිලය වෙත පැමිණිල්ලක් සිදුකරන බව පාර්ලිමේන්තු මන්ත්‍රී කාවින්ද ජයවර්ධන මහතා පවසනවා.
ඒ, යූටියුබ් නාලිකාවක් සමඟ සංවාදයකට සහභාගී වෙමින්.
පාස්කු ප්‍රහාරයට අදාල ගැටළුව රට තුළ නොවිසඳෙන්නේ නම් රටම එකතු වී මේ පිළිබඳව ජාත්‍යන්තරයට පැවසිය යුතුව ඇති බවයි මන්ත්‍රීවරයා පවසන්නේ.
“ඔයාගෙ ගෙදරට කවුරුහරි පැනලා ඔයාගෙ පවුලේ කාටහරි පිහියෙන් ඇන්නොත්, ඔයාට හිතෙන්නෙ නැද්ද මේ මිනිහා කවුද, මේ මිනිහට පිහිය දුන්නේ කවුද කියලා හොයන්න? මේ මිනිහට දඬුවම් දෙන්න ඕනෙ කියලා ඔයාට හැඟීමක් එන්නේ නැද්ද? මේ අපේ රටේ මිනිස්සු මැරුණේ. මේක ලඝු කරන්නෙපා කතෝලික පිරිසක් කියලා” යැයි ඔහු පවසනවා.
ශ්‍රී ලංකාව තුල සංහිදියාව ගොඩනැඟීමට ඉඩ නොදෙන්නේ දේශපාලඥයන් බවත් ජාතිවාදයෙන් පෝෂණය වන දේශපාලන කණ්ඩායම් බිහිව ඇති බවත් මන්ත්‍රීවරයා පෙන්වා දෙනවා.
එබැවින්, පාස්කු ඉරිදා ප්‍රහාරය සම්බන්ධව නිසි විමර්ශනයන් සිදු නොකොට, ඒ වෙනුවට යුක්තිය ඉල්ලන සිරිල් ගාමිණී පියතුමන්ව වරින් වර අපරාධ විමර්ශන දෙපාර්තුමේන්තුවට කැඳවීම ඉතාමත් නුසුදුසු ක්‍රියාවක් බවත් ඔහු පවසනවා.
