කලක් හිටපු ආණ්ඩුකාරවරයෙක් වූ රජිත් කීර්ති තෙන්නකෝන් මහතා එම ආණ්ඩුකාර ධූරය අහිමි වූ පසුවත් ඔහුගේ ෆේස්බුක් පිටුව ‘Governor Rajith Keerthi Tennakoon’ ලෙස දක්වමින් නොමඟ යවන සුළු ලෙස භාවිතා කරන අයුරු පසුගිය සතියේ News19 අනාවරණය කළා.
කෙසේවෙතත් මේවන විට අදාළ ෆේස්බුක් පිටුව අක්රීය කර දැමීමට කීර්ති තෙන්නකෝන් මහතා කටයුතු කර තිබෙනවා.
https://www.facebook.com/gov.keerthitennakoon
අදාළ ෆේස්බුක් පිටුව පිළිබදව ප්රශ්න කර සිටි අවස්ථාවේදී කීර්ති තෙන්නකෝන් ෆේස්බුක් සටහනක් පලකරමින් සදහන් කළේ ෆේස්බුක් පිටුවේ ‘ආණ්ඩුකාර කීර්ති තෙන්නකෝන්’ ලෙසට සටහන් වුවද එම පිටුවේ Bio එකෙහි තමන් හිටපු ආණ්ඩුකාරවයෙක් ලෙස දක්වා ඇති බවයි.
මෙහි වඩාත් හාස්යජනක සිදුවීම වූයේ ජාතික ජනබලවේගය ආණ්ඩුවේ පාර්ලිමේන්තු මන්ත්රීවරුන් ‘ආචාර්ය’, ‘මහාචාර්ය’ යන තමන්ට නොමැති ‘තනතුරු නාම’ තමන්ගේ නම ඉදිරියේ භාවිතා කිරීමට එරෙහිව සමාජ මාධ්ය ඔස්සේ දැඩිව ප්රශ්න කරන කීර්ති තෙන්නකෝන්ද එවැනිම ෆේස්බුක් පිටුවක් නඩත්තු කරමින් සිටීම බව අප මෙහිදී පෙන්වා දුන්නා.
කෙසේවෙතත් මේ වන විට අදාළ පිටුව වෙනුවට කීර්ති තෙන්නකෝන් මහතා නව ෆේස්බුක් පිටුවක් ඇති බවට ඔහු නඩත්තු කරමින් සිටින WhatsApp ගිණුම් හරහාද මහජනතාවට දැනුම්දීමක් කර තිබෙනවා.
තමන් ආණ්ඩුකාරවරයෙක් බව හැඟවෙන ඔහුගේ ෆේස්බුක් පිටුව පිළිබදව පලකළ පෙර ලිපිය පහතින්, 👇
