මෙරට ඔක්සිජන් අවශ්යතාවය වෙනුවෙන් ප්රමුඛ අවදානයක් යොමුකරන්නැයි මෙරට සෞඛ්ය අමාත්ය කෙහෙළිය රඹුක්වැල්ල මහතා විසින් ශ්රී ලංකා ඉන්දීය මහකොමසාරිස් ගෝපාල් බාග්ලේ මහතාගෙන් ඉල්ලීමක් කර තිබෙනවා.
ඉන්දියාවේ නිෂ්පාදිත ජංගම ඔක්සිජන් ඒකක මෙරටට ලබාදීම කෙරෙහිද අවධානය යොමුකරන ලෙස අමාත්යවරයා මෙහිදී ඉල්ලා තිබෙනවා.
අද (25) සුවසිරිපායේ පිහිටි සෞඛ්ය අමාත්ය කාර්යාලයේදී සිදුවූ මෙම හමුව කෙහෙලිය රඹුක්වැල්ල සෞඛ්ය අමාත්යවරයා ලෙස වැඩ භාර ගැනීමෙන් පසු ඉන්දීය මහකොමසාරිස්වරයා සමග පළමු නිල හමුව වනවා.
මීට අමතරව Tocilizumad ඖෂධය (Tozi) මෙරටට ලබාදීම කෙරෙහිද ඉන්දියාවේ අවධානය යොමු කරන ලෙස අමාත්යවරයා ඉල්ලා තිබෙනවා.
කොවිඩ් ව්යසනය මර්දනය වෙනුවෙන් දෙරටම අභියෝගයකට මුහුණ දී ඇති බවත් දෙරට මුහුණ දෙන අභියෝගාත්මක ක්රමවේදයන්හි ප්රායෝගික දැනුම හුවමාරු කරගැනීම මිත්ර රටවල් ලෙස අතිශය වැදගත් බවත් මෙහිදී ඉන්දීය මහකොමසාරිස්වරයා පවසා තිබෙනවා.