ඉන්දීය රජයේ ආධාර ලෙස ලැබුණු භූමිතෙල් ලීටර 15,000 ක් යාපනය දූපත්වාසී ධීවර ජනතාව වෙත බෙදාදීමට ඉන්දීය මහකොමසාරිස් කාර්යාලය කටයුතු කර තිබෙනවා.
ඒ අනුව නව ධීවර අමාත්‍ය ඩග්ලස් දේවානන්ද මහතාගේ සහ ඉන්දීය නියෝජ්‍ය මහ කොමසාරිස් රාකේෂ් නට්රාජ් මහතාගේ ප්‍රධානත්වයෙන් අදාළ භූමිතෙල් බෙදාදීමේ වැඩසටහන කයිට්ස් ප්‍රාදේශීය ලේකම් කාර්යාලයේදී ඊයේ (28) සිදුකර තිබෙනවා.
අදාළ භූමිතෙල් තොගය යාපනය ඩෙල්ෆ් දූපත් ධීවර ජනතාවට, කයිට්ස් ධීවර ජනතාවට හා යාපනය, නාගදීප දූපත් ධීවර ජනතාව වෙනුවෙන් බෙදාදුන් බව ඉන්දීය කොන්සල් ජනරාල් කාර්යාලය නිවේදනය කරනවා.
