ලොව ප්‍රමුඛ පෙලේ සමාජ මාධ්‍ය ක්‍රියාකාරීයෙකු වන කාලිද් අල් අමේරි මෙම මස ශ්‍රී ලංකාවේ සංචාරයක නිරත වන බවට නිවේදනය කර තිබෙනවා.
ඒ ඔහුගේ නිල Facebook ගිණුමේ සටහනක් තබමින්.
එමිරාටිහි බ්ලොග්කරුවෙකු, තීරුලිපි රචකයෙකු හා අභිප්‍රේරණ කථිකයෙකු වන කාලිද් අල් අමේරි ඔහුග් ආදරණීය බිරිඳ වන සලාමා සමඟ එක්ව රූගත කරන Youtube සහ වෙනත් සමාජජාල වීඩියෝ ලෝකයේ මිලියන ගණනක් වූ ජනතාවගේ ආදරය දිනාගැනීමට සමත්ව තිබෙනවා.
තමන් සංචාරය කරන ස්ථාන හා රටවල ඇති සුවිශේෂීතාවන් ලෝකය හමුවේ ගෙනහැර පෑම පිළිබඳ ඔවුන්ගේ වීඩියෝ ප්‍රසිද්ධියක් උසුලනු ලබනවා.
ලබන සඳුදා දක්වා ඔහු සිය සංචාරය ශ්‍රී ලංකාවේ සිදු කිරීමට නියමිතයි.
