සජීවි විකාශයක් අතරතුර ඔහුගේ දික්කසාද වූ බිරිඳට පෙට්රල් වත් කර ඇයව ගිනි තබා ඝාතනය කළ පුද්ගලයෙකුට චීන අධිකරණය විසින් මරණ දඬුවම නියම කර තිබෙනවා.
මෙම සිදුවීම එරට කාන්තාවන්ට එරෙහි හිංසනය පිළිබඳ සංවාදයට තුඩු දී ඇති බවයි පැවසෙන්නේ. චූදිත ටැන්ග් ලුගේ අපරාධය අතිශය කුරිරු වන අතර එහි සමාජ බලපෑම අතිශයින්ම භයානක බවයි අධිකරණය ප්රකාශ කර ඇත්තේ.
ඝාතනයට ලක්වූ ටිබෙට් ජාතික කාන්තාවක් වූ ලමූ හට ටික්ටොක් ජංගම දුරකථන යෙදවුමට සමාන Douyin යෙදවුමෙහි සිය දහස් ගණනක අනුගාමිකයන් (followers) සිට ඇති බවයි සඳහන් වන්නේ.
දෙදරු මවක් වන ලමූ ග්රාමීය ජීවිතය පිළිබඳව වාර්තා කිරීම සඳහා සඳහා ඇයගේ Douyin අවකාශය යොදාගෙන ඇති අතර ඇය රූපලාවන්ය ද්රව්ය භාවිතයකින් තොරව ඇයගේ ස්වාභාවික පෙනුමෙන්ම වීඩියෝවන් රූගත කිරීම ඇයගේ රසිකයන් අතිශයින් අගය කළ බවයි පැවස්න්නේ.
ඇය සාම්ප්රදායික ටිබෙට් ඇඳුමින් සැරසී කඳුකරයේ ආහාර පිසින අයුරුද එම වීඩියෝ වල දැක්වී තිබෙනවා
2020 ජූනි මාසයේදී, ඇගේ පියාගේ නිවසට මාරක ප්රහාරයක් එල්ල වීමට මාස තුනකට පමණ පෙර ලාමු, ටාංගෙන් දික්කසාද වූ අතර ඔහු සම්බන්ධයෙන් ඇයට එරෙහිව ප්රචණ්ඩ ඉතිහාසයක් ඇති බව උසාවිය ද ප්රකාශ කරන ලදි.
ඇගේ සිරුරේ 90%කට වඩා පිළිස්සුම් තුවාල ලැබූ අතර ඇය ඉන් සති දෙකකට පසු මිය ගියාය.
2016 දී චීනය ගෘහස්ථ හිංසනය අපරාධයක් ලෙස දැක්වූ නමුත් විශේෂයෙන් ග්රාමීය ප්රදේශවල එය තවමත් බහුලව දක්නට ලැබේ.