දිවයිනේ දිස්ත්‍රික්ක 8ක ප්‍රදේශ කිහිපයකට මේ වන විට පනවා ඇති නායයෑමේ අනතුරු ඇඟවීම් දීර්ඝ කර තිබෙනවා.
මේ අනුව ගාල්ල, මාතර, හම්බන්තොට, රත්නපුර, කෑගල්ල, කළුතර, මාතලේ සහ මහනුවර දිස්ත්‍රික්කවල ප්‍රදේශ කිහිපයක පනවා තිබු නායයෑමේ අනතුරු ඇඟවීම් දීර්ඝ කර ඇති බවට වාර්තා වනවා.
ගාල්ල දිස්ත්‍රික්කයේ නෙළුව, ඇල්පිටියත් කළුතර දිස්ත්‍රික්කයේ මතුගම, ඉංගිරිය, වලල්ලාවිට, බුලත්සිංහල හා අගලවත්ත යන ප්‍රදේශ සහ මහනුවර දිස්ත්‍රික්කයේ පස්බාගේ කෝරලේ යන ප්‍රදේශ සඳහා මෙම අනතුරු ඇඟවීම් නිකුත් කර තිබෙනවා.
එසේම මාතර දිස්ත්‍රික්කයේ අතුරලිය, මුලටියන, පිටබැද්දර, කොටපොල, රත්නපුර දිස්ත්‍රික්කයේ කලවාන, අයගම, ඇහැලියගොඩ, රත්නපුර, කුරුවිට, පැල්මඩුල්ල, නිවිතිගල, කිරිඇල්ල, ඇලපාත, ඉඹුල්පේ, කොලොන්න යන ප්‍රදේශවලටත් හම්බන්තොට දිස්ත්‍රික්කයේ වලස්මුල්ල ප්‍රදේශවලට මෙම අනතුරු ඇඟවීම් වලංගු බව ජාතික ගොඩනැගිලි පර්යේෂණ සංවිධානය පවසා තිබෙනවා.
කෑගල්ල දිස්ත්‍රික්කයේ කෑගල්ල, යටියන්තොට, රුවන්වැල්ල, දැරණියගල, දෙහිඕවිට සහ මාතලේ දිස්ත්‍රික්කයේ යටවත්ත යන ප්‍රදේශවලටත් මෙම දීර්ඝ කරන ලද නායයෑමේ අනතුරු ඇඟවීම් ක්‍රියාත්මක කරන බව ජාතික ගොඩනැගිලි පර්යේෂණ සංවිධානය සඳහන් කරනවා.
