දිස්ත්රික්ක පහක් සඳහා නිකුත් කර තිබූ නායයෑමේ අවදානම පිළිබඳ අනතුරු ඇඟවීම් තවත් පැය විසි හතරකින් දීර්ඝ කළ බව ජාතික ගොඩනැගිලි පර්යේෂණ සංවිධානය පවසනවා.
ඒ අනුව බදුල්ල, මහනුවර, මාතලේ, මොණරාගල සහ නුවරඑළිය දිස්ත්රික්ක පහේ ප්රාදේශීය ලේකම් කොට්ඨාස 12ක් සඳහා නිකුත් කළ නායයෑමේ අනතුරු ඇඟවීම් අද (30) පස්වරු 2.30 සිට හෙට (31) පස්වරු 2.30 දක්වා බලාත්මක බව එම සංවිධානය පවසනවා.
මේ අතර රාජාංගණය වාරිමාර්ග ඉංජිනේරු කාර්යාලය දැනුම් දෙන්නේ, අනුරාධපුර – අංගමුව ජලාශයේ වාන් දොරටු දෙකක් විවෘත කර ඇති බැවින් පහත්බිම්වල ජනතාවට අවධානයෙන් පසුවන ලෙසයි.
