ලංකා ගමනාගමන මණ්ඩලයේ සභාපති රමාල් සිරිවර්ධන මහතා සිය ධූරයෙන් ඉල්ලා අස් වී තිබෙනවා.
මේ සම්බන්ධයෙන් ප්රවාහන සහ මහාමාර්ග නියෝජ්ය අමාත්ය ප්රසන්න කුමාර ගුණසේන මහතා පවසා සිටියේ, රමාල් සිරිවර්ධන මහතාගේ ඉල්ලා අස්වීමේ ලිපිය අමාත්යංශය වෙත ලැබී ඇති බවය.
වත්මන් රජය බලයට පත් වීමෙන් පසු සභාපති ධූරයකින් ඉවත් වූ දෙවන පුද්ගලයා වන්නේ රමාල් සිරිවර්ධන මහතායි.
මීට පෙර රූපවානී සංස්ථාවේ සභාපති ලෙස කටයුතු කළ ආචාර්ය සෙනේෂ් බණ්ඩාර දිසානායක මහතාද සභාපති ධුරයෙන් ඉල්ලා අස්වුණා.
රමාල් සිරිවර්ධන මහතා අවස්ථා කිහිපයකදී, විවිධ රජයන් යටතේ මීට ඉහතදී තුන් වරක් ලංකා ගමනාගමන මණ්ඩලයේ සභාපති ධූරයට පත් කර තිබුණා.
ඒ 1994 සිට 2001 චන්ද්රිකා බණ්ඩාරනායක ජනාධිපතිනිය වී සිටි සමයේත්, 2006 සිට 2007 දක්වා මහින්ද රාජපක්ෂ පාලන සමයේ මෙන්ම 2015 සිට 2019 දක්වා මෛත්රීපාල සිරිසේන ජනාධිපති ධූරය දරන සමයේයි.
සිව් වන වරට 2024 ඔක්තෝබර් මාසයේදී රමාල් සිරිවර්ධන මහතා ලංකා ගමනාගමන මණ්ඩලයේ සභාපතිවරයා ලෙස පත් කරනු ලැබුවේ, එවකට ප්රවාහන අමාත්ය ධූරය දැරූ විජිත හේරත් මහතා විසිනි.