පසුගිය වසරේ මෙරට වගාකළ හැකි ආහාර භෝග රාශියක් ආනයනය කිරීම සඳහා ඩොලර් මිලියන ගණනින් වැය කර ඇති බව පාර්ලිමේන්තු මන්ත්‍රී මධුර විතානගේ මහතා අද (20) පාර්ලිමේන්තුවේදී හෙළිදරව් කළා.
අද පාර්ලිමේන්තුවේදී අදහස් දක්වමින් මන්ත්‍රීවරයා ප්‍රකාශ කළේ, එම ආහාර භෝග ආනයනය සඳහා ඩොලර් මිලියන 295ක වියදමක් රජය දරා ඇති බවයි.
මෙලෙස ආනයනය කර ඇති එම ආහාර භෝග අතර කිරි අල සහ මංඤ්ඤොක්කාද ඇති බව දුටු තමන් පුදුමයට පත්වූ බවද මන්ත්‍රීවරයා පැවසුවා.
මන්ත්‍රීවරයා එහිදී වැඩිදුරටත් ප්‍රකාශ කර සිටියේ, එම භෝග වර්ග අතර සුදු ලූණු, අල, කජු, ගොරකා, තක්කාලි, ගස්ලබු, කොමඩු, අන්නාසි, මෑ කරල් සහ මුං ඇට ද ඇති බවයි.
ඇමතිවරු පම්පෝරි ප්‍රකාශ නිකුත් කිරීමෙන් වැළකී සිය අමාත්‍යාංශයට වෙන්කර ඇති මුදල් භාවිත කර සිය යුතුකම ඉටුකිරීමට වගබලා ගන්නා ලෙස, මන්ත්‍රීවරයා වැඩිදුරටත් සඳහන් කළා.
