නව රජය බලයට පත්වීමත් සමග අමාත්‍යාංශ 17ක් සඳහා පසුගිය අඟහරුවාදා (23) නව ලේකම්වරු පත් කෙරුණා.
මෙහිදී රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යාංශ ලේකම් ධුරය සඳහා පත් කෙරුණේ, පසුගිය රජය සමයේදී එම ධුරය දැරූ ප්‍රදීප් යසරත්න මහතායි.
කෙසේ වෙතත්, ප්‍රදීප් යසරත්න මහතා එම ධුරයෙන් ඉවත්වන බව, පසුගිය සිකුරාදා (27) අදාළ අමාත්‍යාංශ නිලධාරීන්ට දැනුම් දී තිබුණා.
දෙසැම්බර් මාසයේදී රාජ්‍ය සේවයෙන් විශ්‍රාම යාමට නියමිතව තිබු යසරත්න මහතා පෞද්ගලික අවශ්‍යතාවක් මත ඊට පෙර විශ්‍රාම ගැනීමට ඉල්ලිමක් කර තිබු බවයි පැවසෙන්නේ.
ඒ අනුව ඒ මහතා අද (30) දිනයේ සේවයෙන් විශ්‍රම ගොස් තිබෙනවා.
මේ හේතුවෙන් අධිකරණ, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන සහ කම්කරු අමාත්‍යාංශ ලේකම් ධුරය මේවන විට පුරප්පාඩු වී තිබෙන බවයි පැවසෙන්නේ.
