මත්පැන් නිෂ්පාදකයින් රජයට ගෙවීමට පැහැර හැර ඇති හිඟ බදු ගෙවීමට ලබන 30 වැනිදා දක්වා කාලය ලබාදී තිබෙනවා.
සුරා බදු ගෙවීමට අපොහොසත් වූ මත්පැන් නිෂ්පාදකයින් පිරිසක් සුරා බදු දෙපාර්තමේන්තුවට ඊයේ (02) පෙරවරුවේ කැඳවා තිබු අතර එහිදි සුරා බදු කොමසාරිස් ජනරාල් එම්.ජේ. ගුණසිරි මහතා මේ බව පවසා තිබුණා.
මෙම මත්පැන් නිෂ්පාදකයින් මෙම වර්ෂයේ සහ පසුගිය වර්ෂයේදී ගෙවීමට ඇති හිඟ බදු ප්‍රමාණය කෝටි 180ක්.
එම කාලයට පෙර බඳු ගෙවීම පැහැර හරින සුරා බදු නිෂ්පාදකයන්ට නඩු පැවරීමට කටයුතු කරන බවද එම්.ජේ. ගුණසිරි මහතාසඳහන් කළා.
එම නිෂ්පාදකයන්ට නැවත මත්පැන් බලපත්‍රය ලබා නොදීමටද දෙපාර්තමේන්තුව විසින් තීරණය කර තිබෙනවා.
මේ වසරේදී උපයා ගැනීමට බලාපොරොත්තු වන ආදායම රුපියල් කෝටි 23200ක් බවත් මේ වන විට රුපියල් කෝටි 16200ක් උපයාගෙන ඇති බවත් ඔහු සඳහන් කළා.
එය ගිය වසරට සාපේක්ෂව එය රුපියල් 5300ක වැඩිවීමක් බව සුරාබදු දෙපාර්තමේන්තුව පවසනවා.
