ලි ක්වාන් යු මියගිය බවත්, මහතීර් මොහොමඩ් ගෙදර ගිය බව හිටපු අමාත්‍ය විමල් විරවංශ මහතා පවසනවා.
ඒ, පුවත්පතක් සමඟ සිදුකළ සම්මුඛ සාකච්ජාවේදීයි.
බැසිල් රාජපක්ෂට අවශ්‍යව ඇත්තේ මහින්ද රාජපක්ෂ අග්‍රාමාත්‍යවරයාගේ අක්‍රීය බව උපයෝගී කොටගෙන රාජ්‍ය පාලනය සියතට ගැනීම බවත් රටේ අර්බුද වර්ධනය කොට ඉන්දු-ඇමරිකා පක්ෂපාතීත්වයට සහයෝගය දීම බවත් ඔහු පවසනවා.
MCC ගිවිසුම නැවත ඉදිරිපත් කිරීම සඳහා ඇමරිකානු නියෝජිතයන් මෙරටට පැමිණීමට නියමිත බවත් ඊට අවශ්‍ය පසුබිම බැසිල් රාජපක්ෂ විසින් නිර්මාණය කරමින් සිටින බවත් ඔහු පවසනවා.
එහිදී වැඩිදුරටත් අදහස් දැක්වූ හිටපු අමාත්‍යවරයා,
“ලි ක්වාන් යු මළා… මහතීර් මොහොමඩ් ගෙදර ගියා. එදා එහෙම කියපු නිසා තමයි එහෙම නොවෙන නිසා සටන් කරන්නේ. එදා එහෙම කියපු එකේ වගකීම තියෙන නිසා. එහෙම නැත්නම් ෂෝක් කියලා දෙන දේ කාලා වෙන දේ බලාගෙන ඉන්න පුළුවන්. එදා කියපු එකේ වගකීම තියෙන නිසයි ඇතුලේ බැරිනම් එලියට බැහැල සටන් කරන්නේ. තනතුරට ඕන දෙයක් වෙච්චාවේ කියලා කියන්නේ”
