රසායනික හා කෘමි නාශක වල් නාශක තහනම් කොට පාරිසරික කාබනික වගාවට මෙරට කෘෂි හා වැවිලි කර්මාන්තය යොමු කරමින් ගෙන යන ජාතික ගොවි විප්ලවය සඳහා වමේ පක්ෂ 11ක් සිය සහය පළකර තිබෙනවා.
ඒ, එම පක්ෂ නායකයින් හා නියෝජිතයන් හා කෘෂිකර්ම අමාත්‍ය මහින්දානන්ද අළුත්ගමගේ මහතා අතර කෘෂිකර්ම අමාත්‍යාංශයේ පැවති සාකච්ඡාවකදීයි. කෙටි කාලීන පියවර, දිගු කාලීන පියවර හා අභියෝගයක්ව පවතින එළඹෙන මහ කන්නයේ පොහොර ලබා දීමට යොදා ඇති වැඩපිළිවෙල පිළිබඳව අමාත්‍යවරයා එහිදී පක්ෂ නායකයින් දැනුවත් කර සිටියා.
මෙම ගැටුම පවතින්නේ ලෝක බලවතුන් මෙහෙයවන බහු ජාතික සමාගම් වල වාර්ෂිකව ඩොලර් බිලියන 100ක වෙළදාමක් සමඟ බවත් මෙම වැඩපිළිවෙල කඩා බිඳ දැමීමට ඒ ධනස්කන්දය ඔවුන් වැය කරන බවත් අමාත්‍යවරයා මෙහිදී පවසා සිටියා. එබැවින් එකට එක්ව මේ සටන ජයගත යුතු බව‍යි මහින්දානන්ද අමාත්‍යවරයා පක්ෂ නායකයින්ගෙන් ඉල්ලා සිටියේ.
• පූජ්‍ය අතුරලියේ රතන හිමි
• අමාත්‍ය වාසුදේව නානායක්කාර (සමාජවාදී වාමාංශික පෙරමුණ)
• වැවිලි කර්මාන්ත අමාත්‍ය වෙවද්‍ය රමේෂ් පතිරණ
• අමාත්‍ය ඒ.එල්.එම්.අතාවුල්ලා (ජාතික කොංග්‍රසය)
• රාජ්‍ය අමාත්‍ය ජයන්ත සමරවීර (ජාතික නිදහස් පෙරමුණ)
• පාර්ලිමේන්තු මන්ත්‍රී වීරසුමන වීරසිංහ (ශ්‍රී ලංකා කොමියුනිට්ස් පක්ෂය)
• පාර්ලිමේන්තු මන්ත්‍රී අසංක නවරත්න (ශ්‍රී ලංකා මහජන පක්ෂය)
• පාර්ලිමේන්තු මන්ත්‍රී ගෙවිදු කුමාරතුංග (යුතුකම සංවිධානය)
ඇතුළු පාර්ලිමේන්තු මන්ත්‍රීවරුන්, අමාත්‍යාංශ ලේකම්වරුන්, විද්වතුන් මෙම සාකච්ඡාවට එක්විය.
