රාජ්ය මර්දනයට ලක්වන ජනතාව වෙනුවෙන් කොන්දේසි විරහිතව පෙනී සිටින බව සමගි ජන බලවේගයේ නායක සහ විපක්ෂ නායක සජිත් ප්රේමදාස මහතා පවසනවා.
ඒ, කොළඹ මාක්ස් ප්රනාන්දු මාවතේ විපක්ෂ නායක කාර්යාලයේදී මාධ්ය හමුවකදී අදහස් දක්වමින්.
ඔවුන් වෙනුවෙන් 600ට අධික නීතිඥ මණ්ඩලයක් සූදානම් කර ඇති බවයි ඔහු පවසන්නේ.
තම ජීවත්වීමේ අයිතිය ඉල්ලා සිටින ජනතාව ත්රස්තවාදය වැළැක්වීම වැනි අණපනත් තුලින් මර්දනය කිරීමට ආණ්ඩුව දරණ ප්රයත්නයට කිසිවිටෙකත් ඉඩ නොතබන බවද විපක්ෂ නායකවරයා පවසනවා.
රට දිනෙන් දින ප්රපාතයටත් අන්ධකාරයටත් ඇද දැමූ ආණ්ඩුවට එරෙහිව ප්රජාතන්ත්රවාදය ඉල්ලා රටේ ජනතාව අරගල කරන බවත්, එම ප්රජාතන්ත්රවාදී අරගලයන්ට එරෙහිව ආණ්ඩුව මර්දනය දිගු කරන සෑම මොහොතකම ඊට එරෙහිව විපක්ෂය ලෙස තමන් ජනතාවගේ පැත්තේ හිටගන්නා බවත් විපක්ෂ නායක වරයා එහිදී පවසා සිටියා.
ප්රජාතන්ත්රවාදී අරගලවලට පෙනී සිටින අතරේ රාජ්ය මර්ධනයට හසුවන සියලු පුරවැසියන්ට පක්ෂ පාට නොසලකා එම නීතිඥ සහාය නොමිලේ ලබා දෙන බවත් විපක්ෂ නායකවරයා තවදුරටත් ප්රකාශ කළේය