32 C
Colombo
Thursday, December 1, 2022

ජනාධිපතිවරණය තව වසර එකහමාරකින්ම තියමු..! – හිටපු ආණ්ඩුකාරවරු

- Advertisement -

“ජාතික ආණ්ඩුවක් – එකඟතා ආණ්ඩුවක්” නිර්මාණය කිරීම සඳහා සාකච්ඡා වහාම ඇරඹිය යුතු බවට බව යහපාලන රජය සමයේ හිටපු ආණ්ඩුකාරවරුන් තිදෙනෙකු වන කීර්ති තෙන්නකෝන්, මෛත්‍රී ගුණරත්න සහ අසාද් සාලි යන මහත්වරුන් පවසනවා.

නිවේදනයක් නිකුත් කරමින් ඔවුන් පවසන්නේ පොදු එකඟතාවයෙන් වසරක කාලයක් රට පාලනය කිරීම, වසර 1 ½ ක් තුළ මහා මැතිවරණයක් හා ජනාධිපතිවරණයක් පැවැත්වීම, 19 වන ආණ්ඩුක්‍රව ව්‍යවස්ථාව සංශෝධනය වඩාත් යථාර්ථවත් ලෙස බලාත්මක කිරීම හා ස්වාධීන කොමිෂන් සභා ස්ථාපනය කිරීම සිදුකළ යුතු බවයි.

සම්පූර්ණ නිවේදනය පහතින්,

අන්තර් වාර පාලනයක් අතහැර නොහැකි වගකීමකි


මේ වන විට දින 25 කට ආසන්න කාලයක් රටම අරාජික තත්වයට පත්ව තිබේ. දින 17 ක් ගොල්ෆේස් පිටියේ උද්ඝෝෂකයින් අඛණ්ඩව තම ඉල්ලීම් දිනා ගැනීමට සටන් කරමින් ඇත. රට පුරා උද්ඝෝෂණ, පෙළපාලි, විරෝධතා දිනෙන් දින තීව්ර වෙමින් ඇත.


දවසින් දවස රට ආර්ථික හා සමාජීය වශයෙන් පිරිහෙමින් ද, බිඳවැටෙමන් ද ඇත. සාගතය, ආහාර හිඟය සෑම තැනමය. අධ්‍යාපනය, සෞඛ්‍ය, ප්‍රවාහණය ආදී සියළුම දෛනික අංග බිඳවැටී ඇත.


අන්තර්වාර පාලනයයක් තුළින් දේශපාලන ස්ථාවරත්වයක් ලඟා කර නොගන්නේ නම්, අප රට මුහුණ දී ඇති අභියෝගයන් ජය ගැනීම කිසි ලෙසකින් හෝ සිදු කළ නොහැකිය.


මෙයට මාස පහකට පෙර අප පෙන්වා දුන් ආකාරයටම අද ආණ්ඩුව කොටස් 7 කට කැඩී ඇති අතර, විපක්ෂය කොටස් 6 කි න් සමන්විතය. ඉදිරි ජනාධිපතිවරණයෙන් බලය ලබා ගැනීමේ අපේක්ෂාවෙන් සිය ජනාධිපතිවරණ ප්‍රචාරක ව්‍යාපෘතිය දියත් කර ඇති අපේක්ෂකයින් 9 දෙනෙකු හෝ එයට වැඩි සංඛ්‍යාවකි.
අනෙක් අතට රට තියෙන්නේ කිසිදු ආකාරයකින් ඡන්දයක් පැවැත්වීම තබා කිරිපිටි, ඉන්ධන, ඖෂධ ටිකවත් සපයා ගත නොහැකි තත්වයකය.


මුළු රටේම ජනතා විරෝධය තීව්ර වී ඇති මොහොතක, පාර්ලිමේන්තුව හා දේශපාලන පක්ෂ වෙත තවදුරටත් මේ රට විනාශය කරා තල්ලු කරමින් කල් ගත කිරීමේ හැකියාවක් නැත. පසුගිය කිහිපය පුරා පාර්ලිමේන්තුව නියෝජනය කරන දේශපාලන පක්ෂ මෙම අර්බුදය සම්බන්ධයෙන් දක්වනු ලැබූ වගකීම් විරහිත ක්‍රියාකලාපය සම්බන්ධයෙන් ජනතාව තුල දැඩි විරෝධයක් පවතින බව අප අවබෝධ කර ගත යුතුව ඇත.


රට පුරා මතුවන විරෝධතා රැල්ල, අවසනාවන්ත සිදුවීම් වලින් දේශපාලන වාසි ලබා ගැනීම හා තවදුරටත් විරෝධතා තීව්ර කිරීම තුලින් රටේ අර්බුදයට විසඳුමක් ලැබනේනේ නැත. අනෙක් අතට, මෙරට කිසිදු දේශපාලන පක්ෂයකට හෝ කණ්ඩායමට කිසිදා ලඟා කර ගත නොහැකි වූ මානයකට මහජන විරෝධතාව ගොනු කිරීමටත්, අභියෝග ජයගැනීමටත් තරුණ කණ්ඩායම් සමත්වී ඇති බව ද අප අමතක නොකළ යුතුය.
ජනතාවගේ පළමු ඉල්ලීම අගමැති – ජනාධිපති ඉවත් කිරීම ය. මෙම අරගලය එයින් මෙපිට විසදෙන්නේ නැති බව ස්ථීර ය.


පාර්ලිමේන්තුවට මෙවැනි අභියෝගයකට මුහුණදිය හැකි, ලෝක ප්‍රවනතා පිළිබඳ අවබෝධයක් ඇති නව අගමැතිවරයෙකු පත් කර ගත හැකිය. ඒ සඳහා පොදු එකඟතා ඇති කර ගැනීමටත්, විකල්ප ආණ්ඩුවක් නොව ‘ජාතික ආණ්ඩුවක්‘ – ‘එකඟතා ආණ්ඩුවක්‘ බිහි කළ යුතුව ඇත.


අභියෝගය ජයගැනීමට සුදානම්, අර්බුදය විසඳීම සඳහා නායකත්වය ලබා දිය හැකි පුද්ගලයෙකු පොදු එකඟතාවය මත අගමැති ධූරයට පත් කර මෙම අර්බුදය විසඳීම ඇරඹිය යුතුව ඇත.


අන්තර්වාර පාලනයක් යනු වත්මන් ජනපති හා අගමැති තනතුරුවල තබා ගැනීම සඳහා වන ඇස්බැන්දුමක් නොවිය යුතුව ඇත. එය පාර්ලිමේන්තුව නියෝජනය කරන සෑම පක්ෂයකම සහභාගීත්වයෙන් සිදු කළ යුතුව ඇත.


පොදු එකඟතාවයෙන් වසර කාලයක් රට පාලනය කිරීම වසර 1 ½ ක් තුල මහා මැතිවරණයක් හා ජනාධිපතිවරණයක් පැවැත්වීම ද, 19 වන ආණ්ඩුක්‍රව ව්‍යවස්ථාව සංශෝධනය වඩාත් යථාර්ථවත් ලෙස බලාත්මක කිරීම හා ස්වාධීන කොමිෂන් සභා ස්ථාපනය කිරීම එයට ඇතුළුත් විය යුතු අනිවාර්ය අංගයන් වෙති.


තව දුරටත් ප්‍රමාද නොකළ, රට තුල දේශපාලන ස්ථාවර භාවය ඇති කර ගැනීමට ‘ජාතික ආණ්ඩුවක් – එකඟතා ආණ්ඩුවක්‘ පිහිටුවීම සඳහා වහා සාකච්ඡා ආරම්භ කරන ලෙස අප ගෞරවයෙන් ඉල්ලා සිටිමු.


මෙයට,


හිටපු ආණ්ඩුකාර ජනාධිපති නීතිඥ මෛත්‍රී ගුණරත්න
හිටපු ආණ්ඩුකාර රජිත් කීර්ති තෙන්නකොන්
හිටපු ආණ්ඩුකාර අසාත් සාලි
නීතිඥ ගුණරත්න වන්නිනායක

RECENT ARTICLES - SINHALA

එක්නැලිගොඩ නඩුවේ සාක්ෂි දීමට ශානි අබේසේකර කැඳවීමේ තීරණයක්

0
මාධ්‍යවේදී ප්‍රගීත් එක්නැලිගොඩ මහතා අතුරුදන්කරවීම සම්බන්ධ නඩුවේ ප්‍රධාන විමර්ශන නිලධාරියා වූ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ, ජ්‍යේෂ්ඨ පොලිස් අධිකාරී ශානි අබේසේකර මහතා...

බාහිර උපාධි සඳහා ද බදු අය කළ යුතුයි – ජනපති

0
බාහිර උපාධිය සඳහා ද බදු අය කළ යුතු බව ජනාධිපති රනිල් වික්‍රමසිංහ මහතා පවසනවා. ජනාධිපතිවරයා මේ අදහස් පළ කළේ...

අදායම් බදු වාර්තා ඉදිරිපත් කරන්න සහන කාලයක්

0
අදායම් බදු වාර්තා ගොනු කිරීම සඳහා සමාගම් වෙත සතියක සහන කාලයක් ලබාදෙන බව මුදල් රාජ්‍ය අමාත්‍ය ෂෙහාන් සේමසිංහ මහතා පවසනවා.

RECENT ARTICLES - ENGLISH

By increasing export taxes, industries should not be discouraged: COPF

0
Dr. Harsha de Silva, Chairman of the Committee of Public Finance instructed officials to the Ministry of Finance that an analytical report...

The new year begins with another massive electricity tariff hike

0
Cabinet has approved a hike in electricity tariffs under two steps in January and June 2023. Although the electricity...

Sari/Osari fiasco: Circular on state sector employees’ attire revoked

0
Circulars on the official attire of staff grade officers in the State sector have been revoked. According to the...