පොළොන්නරුව ලංකාතිලක පිළිම ගෙයට ඊයේ (19) රාත්රියේ අකුණු සැරයක් වැදී ඇති බවට වාර්තා වනවා.
පිළිමගෙයට මෙවැනි දෙයක් සිදුවී ඇත්තේ පළමු වතාවට බවයි පුරා විද්යා නිලධාරීන් පවසන්නේ.
ලංකාතිලක පිළිමගෙය ශ්රී ලංකාවේ පොළොන්නරුව පිහිටි පුරාණ බෞද්ධ විහාර මන්දිරයක් වන අතර චූලවංශයට අනූව එය පරාක්රමබාහු රජතුමා (ක්රි.ව. 1153-1186) විසින් ඉදිකරවන ලද්දක් සේ සැළකෙනවා.
ලංකාතිලකය පරාක්රමභාහු රජු විසින් ඉදිකරනු ලැබූ විහාර අතර විශාලතම ප්රථිමා ගෘහය ලෙස හැඳින්වෙනවා.
ගඩොලින් නිමවා ඇති එහි වහළ වෘත්තාකාර ස්වරූපයක් ගන්නා බැවින් ගෙඩිගේ සම්ප්රදායට අයත් යැයි විශ්වාස කෙරෙනවා.
ප්රතිමා ගෘහය ගර්භ ගෘහය, අන්තරාලය, හා මුඛ මණ්ඩපය ලෙස කොටස් තුනකින් සමන්විතයි.