ලිට්‍රෝ සහ ලාෆ්ස් සමාගම් සිය ගෑස් බෙදාහැරීමේ කටයුතු සම්පූර්ණයෙන්ම නවතා දැමූ බව එම සමාගම් දෙක නිවේදනය කරනවා.
එම සහාගම් දෙකෙහි සභාපතිවරුන් පවසන්නේ දිවයින පුරා ඇති ගෑස් අවශ්‍යතාවය සපුරාලීම සඳහා බෙදාහැරීමට තරම් අවශ්‍ය ගෑස් තොග අදාළ සමාගම් සතුව නොමැති බවයි.
මේ වන විටත් දිවයින ආසන්න මුහුදේ ගෑස් නැව් දෙකක් දින 10 කට ආසන්න කාලයක් නැංගුරම්ලා තිබෙන අතර තවමත් ඊට අදාළ ඩොලර් ගෙවීම් සිදුකර නැහැ.
මේ නිසා දෛනිකව එම නැව් දෙක සඳහා ප්‍රමාද ගාස්තු වශයෙන් විශාල මුදලක් ගෙවීමට සිදුව තිබෙනවා.
මෙම ගෑස් අර්බුදය හේතුවෙන් ජාතික ආර්ථිකයට දැඩි පහරක් එල්ලවන අතර මේ වන විටත් ආපනශාලා, හෝටල් ඇතුළු වෙළෙඳ ව්‍යාපාර ගණනාවක් වැසීගොස් ඇති බවයි වාර්තා වන්නේ.
