ලාමා නම් සත්ත්වයන්ගේ ශරීර තුල නිපදවෙන ප්‍රතිදේහ මඟින් COVID-19 වෛරසය සහ එහි ප්‍රභේද දුර්වල කරන බව කරන බව සොයාගෙන ඇතැයි New York Daily News වාර්තා කරනවා.
ප්‍රතිශක්තිකරණය අඩු පුද්ගලයින්ට එන්නත් ලෙස ලබා දීමට සහ වෛරසය ආසාදනය වූ පුද්ගලයින්ට ප්‍රතිකාර කිරීම සඳහා යොදා ගැනීම යන කාරණා දෙකම මේ හරහා ඉටු කර ගත හැකි වෙතැයි විද්‍යාඥයන් අපේක්ෂා කරනවා.
මේ සම්බන්ධයෙන් මානව සායනික අත්හදා බැලීම් ද ආරම්භ වී ඇති බවයි පැවසෙන්නේ.
‘වින්ටර්’ නම් ලාමා කෙනෙකුගෙන් ලබා ගන්නා ප්‍රතිදේහ SARS-CoV-2 සහ එහි ප්‍රභේද වල ක්‍රියාකාරීත්වය අඩාල ඇති කර ඇති බව බෙල්ජියමේ වෛද්‍ය ජෛව තාක්‍ෂණ ආයතනයක සිදුකරන ලද පර්යේෂණයන්ගෙන් පෙන්නුම් කර ඇති බව රොයිටර් පුවත් සේවය පවසනවා.
මෙම පර්‍යේෂණ සාර්ථක වුවහොත්, මෙය කොවිඩ් වෛරසයට එරෙහි ප්‍රතිශක්තිය ගොඩනගා ගැනීම සම්බන්ධවත්, රෝගීන්ට ප්‍රතිකාර කිරීම සඳහාත් වන සුවිශේෂි සොයාගැනීමක් වනු ඇති බව එක්සෙවිර් හි ප්‍රධාන වෛද්‍ය නිලධාරි ඩොමිනික් ටර්සාගෝ රොයිටර් පුවත් සේවයට පවසයි.
