ලබන වර්ෂයේ සිංහල හින්දු අලුත් අවුරුද්දට ප්රථම පළාත් පාලන මැතිවරණය පවත්වන බව ජනාධිපතිවරයා ප්රකාශ කර තිබෙනවා .
ඉන්දීය සංචාරයෙන් අනතුරුව මහනුවරට පැමිණි ජනපති අනුර කුමාර දිසානයක මහතා ඊයේ (20) පස්වරුවේ මල්වතු මහ විහාරයට පැමිණ මල්වතු පාර්ශවයේ මහා නායක අතිපූජ්ය තිබ්බටුවාවේ ශ්රී සිද්ධාර්ථ සුමංගල හිමි බැහැ දැක ආශිර්වාද ලබා උන් වහන්සේ සමඟ සාකච්ඡාවක නිරත වී තිබුණා.
එහිදී ජනාධිපතිවරයා ප්රකාශ කර ඇත්තේ පලාත් පාලන ඡන්දය සඳහා පෙර නාම යෝජනා කැඳවූ නමුත් එම පක්ෂ සන්ධාන විසිරී ගොස් ඇති බැවින් යළි නාම යෝජනා කැඳවීම සඳහා නව නාම යෝජනා කැඳවීමේ පනතක් සකස් කොට ඇති බවයි.
ඒ අනුව, නාම යෝජනා කැඳවීමෙන් අනතුරුව පළාත් පාලන මැතිවරණය පවත්වන බව ජනාධිපතිවරයා ප්රකාශ කර තිබෙනවා.
එමෙන්ම, ඉන්දියාව සමඟ කළ සාකච්ඡා සාර්ථක මට්ටමේ පවතින බවත් ඒ පිළිබඳව සවිස්තරාත්මක තොරතුරු විදේශ කටයුතු අමාත්යවරයා මහජනය හමුවේ විවෘතව ප්රකාශ කළ බවත් ජනාධිපතිවරයා මෙහිදී තවදුරටත් සඳහන් කර තිබුණා.
