ආනයනික කිරිපිටි මිලට සමගාමීව දේශීය වශයෙන් නිෂ්පාදනය කරන කිරිපිටි මිළද ඉහළ දැමීමට සිදුවන බව පශු සම්පත්, ගොවිපොළ ප්‍රවර්ධන , කිරි හා බිත්තර ආශ්‍රිත කර්මාන්ත රාජ්‍ය අමාත්‍ය ඩී.බී. හේරත් මහතා පවසනවා.
ඊයේ (10) වාරියපොළදී කිරිපිටිවල මිල පාලනය ඉවත් කිරීම සම්බන්ධයෙන් රජයේ ස්ථාවරය දැනුම්දීම සඳහා කැදවා තිබූ පැවති ප්‍රවෘත්ති සාකච්ඡාවකදී අමාත්‍යවරයා මෙම අදහස් පළකළා.
එහිදී අමාත්‍යවරයා සදහන් කළේ මෙම අවස්ථාවේ දී පාරිභෝගිකයත්, දේශීය කිරි නිෂ්පාදකයත් ආරක්ෂා වන අයුරින් කටයුතු කරන්නැයි ජනාධිපති ගෝඨාභය රාජපක්ෂ මහතා තමන්ට උපදෙස් ලබාදී ඇති බවයි.
කෙසේ වෙතත් මුදල් අමාත්‍ය බැසිල් රාජපක්ෂ මහතාගේ උපදෙස් අනුව දේශීය කිරි නිෂ්පාදනය වැඩි කිරීමටත්, දියර කිරි වැඩි වශයෙන් ජනතාවගේ පරිභෝජනයට සපයා දීමටත් අවශ්‍ය පියවර ගනිමින් සිටින බවද රාජ්‍ය අමාත්‍ය ඩී.බී. හේරත් මහතා පවසනවා.
