මඩකලපුවේ පිහිටි ශ්‍රී ලංකා පොදුජන පෙරමුණේ ප්‍රධාන පක්ෂ කාර්යාලයේ පැවති ශ්‍රී ලංකා පොදුජන පෙරමුණේ මඩකලපුව දිස්ත්‍රික් නායකයින්ගේ රැස්වීම අද (25) රාජ්ය අමාත්‍ය ලොහාන් රත්වත්තේ මහතාගේ ප්‍රධානත්වයෙන් පැවැත්වුණා.
පසුගිය 12 වනදා වැලිකඩ සහ අනුරාධපුර බන්ධනාගාර පරිශ්‍රයන්හි සිදු වූ සිද්ධීන් සම්බන්ධයෙන් දැඩි කතාබහකට ලක්වූ රාජ්ය අමාත්‍ය ලොහාන් රත්වත්තේ මහතා පසුගිය සති දෙක තුළ කිසිදු ප්‍රසිද්ධ උත්සවයක දකින්නට ලැබුණේ නැහැ.
බන්ධනාගාර පරිශ්‍රයට කඩා වැදුණු බවට සහ සිරකරුවන්ට ගිනි අවියක් පෙන්වා තර්ජනය කළ බවට චෝදනා එල්ල වීමෙන් පසු ලොහාන් රත්වත්තේ මහතා සිය බන්ධනාගාර කළමනාකරණ හා සිරකරුවන් පුනරුත්ථාපන කටයුතු පිළිබඳ රාජ්ය ඇමති ධුරයෙන් පමණක් ඉල්ලා අස්වුණා.
මේ වන විට එම සිදුවීම සම්බන්ධයෙන් පරීක්ෂණයක් ක්‍රියාත්මකවනවා.
