රාජ්‍ය අමාත්‍ය ලොහාන් රත්වත්තේ විසින් සිය බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ධූරයෙන් ඉවත් වූයේ පරීක්ෂණ අවසන් වනතෙක් බව අමාත්‍ය නාමල් රාජපක්ෂ මහතා පවසනවා.
අද (17) දින මාධ්‍ය අමතමින් නාමල් රාජපක්ෂ මහතා ප්රකාශ කර සිටියේ යම් කිසි සිදුවීමක් සිදුවූ බවට මාධ්‍ය සහ විපක්ෂයේ දේශපාලඥයන් චෝදනා කළ බවත් ඒ චෝදනාව පිළිබඳව සිදුවන පරීක්ෂණයට සහය දීමේ අවශ්‍යතාවය මත එම පරීක්ෂණය අවසන් වෙනතෙක් ලොහාන් රත්වත්තේ විසින් එම තනතුරෙන් ඉල්ලා අස් වී ඇති බවයි.
ක්‍රීඩා හා තරුණ අමාත්‍යවරයා මෙසේ පැවසුවද ලොහාන් රත්වත්තේ විසින් සිය තනතුරෙන් ඉල්ලා අස්වූයේ වරද භාරගනිමින් බව ජනාධිපති මාධ්‍ය ප්‍රකාශකවරයා වාර්තා කර සිටියා.
එමෙන්ම විවිධ පාර්ශව රැසක්ම අදාල සිදුවීම සිදුවූ බවට තහවුරු කළ හැකි බව පවසා සිටි අතර රජයේ පාර්ශවයේ මන්ත්‍රීවරුන් ද පවසා සිටියේ මීට නිසි අයුරින් නීතිය ක්‍රියාත්මක වියයුතු බවයි.
අදාල හිංසනයට ලක්වූ සිරකරුවන් නාමල් රාජපක්ෂ අමාත්‍යවරයාව මුණගැසීමට අවශ්‍ය බවක් දැන්වූ පසුබිමක අමාත්‍යවරයා මෙවැනි ප්‍රකාශයක් සිදු කිරීමද විශේෂත්වයක්.
