අති සුඛෝපභෝගී මෝටර් රථයක් ඊයේ රාත්රියේ දෙල්කඳ හන්දියේදී රුපියල් කෝටි ගණනක දේපළ ගබඩා කර තිබූ තිබු ලොරි රථයක ගැටීමෙන් එම වාහන දෙකම ගිනිගෙන විනාශ වී තිබෙනවා.
සිද්ධියෙන් මෝටර් රථයේ රියැදුරු හා තවත් පුද්ගලයෙකු තුවාල ලබා නාරාහේන්පිට පෞද්ගලික රෝහලක් වෙත ඇතුළත් කර ඇති බවද වාර්තා වෙනවා.
මෙම අනතුර ඊයේ (10) රාත්රී 11.30 ට පමණ සිදුව ඇති බවත් කාර් රථයේ රියදුරුට වේගය පාලනය කර ගැනීමට නොහැකිවීම අනතුරට හේතුව බව පොලීසිය පවසනවා.
සුඛෝපභෝගී කාර් රථ දෙකක් දෙල්කඳ හන්දිය දෙස සිට මහරගම දෙසට ධාවනය වෙමින් තිබියදී ඉදිරියෙන් ගමන් ගත් කාර් රථයට වේගය පාලනය කර ගැනීමට නොහැකිව වම්පස තාප්පයක පළමුව ගැටී අනතුරුව මාර්ගයේ අසල නවතා තිබූ ලොරි රථයේ පිටුපස කොටසේ ගැටුනු බවත් එම අවස්ථාවේ එක වරම මෝටර් රථය ගිනි ගැනීමට පටන් ගත් බවත් සිද්ධිය ඇසින් දුටු ප්රදේශවාසින් පවසා තිබෙනවා.
ලොරි රථය මෙම අනතුරට ලක්ව ඇත්තේ ශ්රව්ය දෘශ්ය මාධ්ය උපකරණ තොගයක් පෞද්ගලික රූපවාහිනී නාලිකාවකට අයත් මැදිරි සංකීර්ණයක් වෙත බාමින් සිටියදී බවත් වාර්තාවෙනවා.