ශ්රී ජයවර්ධනපුර මාදිවෙල පිහිටි නාගරික සංවර්ධන අධිකාරියට අයත් අක්කර 37යි, රූඩ් එකයි පර්චස් 20.44ක ඉඩම් කොටසක් colombo bird park පෞද්ගලික සමාගමට ලබාදීමට නාගරික සංවර්ධන හා නිවාස අමාත්යවරයා වශයෙන් අග්රාමාත්යවරයා ඉදිරිපත් කළ යෝජනාවකට කැබිනට් මණ්ඩල අනුමැතිය හිමිව තිබෙනවා.
මෙම ඉඩම් කොටස තුළ සැලසුම් කිරීම, මූල්ය ප්රතිපාදන යෙදවීම, ඉදිකිරීම සහ ක්රියාත්මක කිරීම යන පදනම යටතේ කුරුලු උද්යාන ව්යාපෘතියක් ආරම්භ කිරීමටයි සැලසුම් කර ඇත්තේ.
කෙසේ වෙතත් අදාළ ව්යාපෘතිය වසර 30ක කාලයකින් පසු ව නැවත රජයට භාර දෙන (B.O.T) ව්යාපෘතියක් ද යන්න පිළිබඳ ව අද නිකුත් කළ කැබිනට් නිවේදන පත්රිකාවේ පැහැදිලි ව සඳහන් ව නැහැ.
මේ අතර කෙරවලපිටිය බලාගාරයේ ගෑස් නල පද්ධතිය සහ ගබඩා සංකීර්ණයේ ඉදිකිරීම් ටෙන්ඩරයකින් තොර ව ඇමරිකානු සමාගමකට ලබාදීමේ සිදුවීම පිළිබඳ ව සාකච්ඡා කිරීම සඳහා, අග්රාමාත්ය මහින්ද රාජපක්ෂ විසින් අද (22) ආණ්ඩුවේ හවුල්කාර පක්ෂ නායකයින් කැඳවා තිබෙනවා.
එම සාකච්ඡාව අද පෙරවරු 10.30 සිට පාර්ලිමේන්තු සංකීර්ණයේ දී පැවැත්වීමට නියමිතයි.