25 C
Colombo
Sunday, December 10, 2023

හිතුමනාපෙට අත්අඩංගුවට ගැනීම් සිදුකිරීම ගැන මහේස්ත්‍රාත්ගෙන් පොලිසියට දොස්

- Advertisement -

ආණ්‌ඩුක්‍රම ව්‍යවස්ථාවේ ප්‍රතිපාදන යටතේ මිනිසුන් රැස්වීම අයුතු ජන රාශියක් වන්නේ කෙසේ දැයි කොළඹ ප්‍රධාන මහේස්ත්‍රාත් බුද්ධික ශ්‍රී රාගල මහතා අද (06) කුරුඳුවත්ත පොලිසියෙන් විමසා සිටියා.

ඒ කොළඹ සොයිසා වටරවුම ආසන්නයේ ප්‍රදේශයේ පැවැත්වු උද්ඝෝෂණයකට අදාළව කුරුඳුවත්ත පොලිසිය විසින් අත්අඩංගුවට ගත් සැකකරුවන් තිදෙනෙකු අද අධිකරණයට ඉදිරිපත් කළ අවස්ථාවේදියි.

කොළඹ සොයිසා වටරවුම ආසන්න ප්‍රදේශයේ පැවැත්වූ උද්ඝෝෂණයකට අදාළව නිරෝධායන රීති උල්ලංඝනය කළේ යැයි චෝදනා නගමින් කුරුඳුවත්ත පොලිසිය අත්අඩංගුවට ගෙන තිබු විශ්ව විද්‍යාල ශිෂ්‍යයෙක් ඇතුළු තිදෙනා අද කොළඹ ප්‍රධාන මහෙස්ත්‍රාත් බුද්ධික ශ්‍රී රාගල මහතා හමුවට ඉදිරිපත් කළා.

එහිදි පොලිසිය විසින් සැකකරුවන් අධිකරණයට ඉදිරිපත් කර තිබු නෛතික ක්‍රියාදාමය පිළිබද සිය අප්‍රසාදය පල කළ ප්‍රධාන මහෙස්ත්‍රාත්වරයා සැකකරුවන්ට එරෙහිව ඉදිරිපත් කරන චෝදනා මංමාවත් පනත යටතේ හෝ මුඛ ආවරණ පැළඳ නොසිටීම සම්බන්ධයෙන් නිරෝධායන රීතිය යටතේ පැහැදිලිව වෙන වෙනම ඉදිරිපත් කරන ලෙස නියෝග කළා.

එසේ නොමැති ඔහේ අත්අඩංගුවට ගෙන අධිකරණයට සැකකරුවන් ඉදිරිපත් කිරීම හරහා සිදුවන්නේ නඩු කටයුතු දීර්ඝ කාලයක් විමර්ශන සඳහා ඉදිරියට පවත්වාගෙන යාමට සිදුවීම බව මහෙස්ත්‍රාත්වරයා වැඩිදුරටත් පැහැදිලි කළා.

ඒ අනුව මෙම සැකකරුවන්ට එරෙහිව ඉදිරිපත් කරන චෝදනා ඉදිරි නඩු දිනයේදි වෙන වෙනම අධිකරණයට ඉදිරිපත් කරන ලෙස දැනුම්දුන් ප්‍රධාන මහෙස්ත්‍රාත් බුද්ධික ශ්‍රී රාගල මහතා විශ්ව විද්‍යාල සිසුවා ඇතුළු සැකකරුවන් තිදෙනා රුපියල් ලක්ෂ දෙක බැගින් වූ ශරීර ඇප දෙකක් මත මුදාහැරීමට මහෙස්‌ත්‍රාත්වරයා නියෝග කළා.

සැකකරුවන් වෙනුවෙන් නීතිඥ සුනිල් වටගල හා නීතිඥ ගුණරත්න වන්නිනායක යන මහත්වරු අධිකරණය හමුවේ පෙනී සිටියා.

RECENT ARTICLES - SINHALA

පාරිභෝගිකයින් 80% කගේ විදුලි සැපයුම යථා තත්වයට

මේ වන විට ප්‍රදේශ රැසක විදුලි සැපයුම යථා තත්ත්වයට පත්කර ඇතැයි ලංකා විදුලිබල මණ්ඩලය පවසනවා. එම මණ්ඩලය සඳහන් කළේ දිවයින පුරා විදුලිය විසන්ධි වූ ප්‍රදේශවලින්...

Breaking : නොරොච්චෝලෙත් බිඳ වැටිලා

නොරොච්චෝලේ බලාගාරයේ පළමු ජනන අක්‍රීය වී තිබෙනවා. ඒ අනුව එහි තුන්වන ජනන යන්ත්‍රය පද්ධතියට එක්කිරීමට පියවර ගත් බව ලංකා විදුලිබල මණ්ඩල‍ය ප්‍රකාශ කළා.

විදුලි සැපයුම ගැන විදුලිබල මණ්ඩල‍යෙන් දැනුම් දීමක්

ජාතික විදුලිබල පද්ධතිය යළි සමතුලිත කර තිබෙනවා. ලංකා විදුලිබල මණ්ඩල‍ය ප්‍රකාශ කළේ ඒ අනුව, 20% ක පිරිසකගේ විදුලිය සැපයුම මේ වන විට යථාතත්ත්වය⁣ට පත් කර...

POPULAR ARTICLES

රට පුරා විදුලිය විසන්ධි වෙයි

මේ වන විට ලංකාව පුරා හදිසි විදුලිය බිඳ වැටීමක් සිදුව ඇති බව විදුලිබල මණ්ඩලයේ මාධ්‍ය ප්‍රකාශක ඉංජිනේරු නොයෙල් ප්‍රියන්න මහතා  පවසනවා. පද්ධතියේ ඇතිවී තිබෙන දෝෂයක්...

සුරාසල් විවෘතව තබන වේලාවේ වෙනසක්

දෙසැම්බර් මස 09 වනදා සිට ක්‍රියාත්මක වන පරිදි සුරාසල් විවෘත කරන හා වසනු ලබන වෙලාව සංශෝධනය කර තිබෙනවා. සුරාබදු ආඥා පනතේ 52 වැනි අධිකාරියේ 32-1...

පුත්තලමේ සනත් නිශාන්තගෙන් විශේෂ ප්‍රකාශයක්

තමන්ට පැනවූ පාර්ලිමේන්තු තහනම සම්බන්ධයෙන් අද (08) පාර්ලිමේන්තුවේදී විශේෂ ප්‍රකාශයක් සිදු කිරීමට නියමිත බව රාජ්‍ය අමාත්‍ය සනත් නිශාන්ත මහතා පවසනවා. දින 14 කාලයක් සඳහා තමන්ට...