මියගිය රැදවියන් 4 දෙනෙකුගේ සිරුරු ආදාහනය කිරීමට නියෝග

මහර බන්ධනාගාරයේ පසුගියදා ඇති වූ කලහකාරි සිද්ධියෙන් මියගිය රැඳවියන් සිව් දෙනෙකුගේ පශ්චාත් මරණ පරික්ෂණ වාර්තා විද්වත් කමිටුව විසින් අද (16) වත්තල මහෙස්ත්‍රාත් අධිකරණය වෙත ඉදිරිපත් කෙරුණා.
ඒ අනුව අදාල පුද්ගලයන් සිවුදෙනාගේ සිරුරු ආදාහනය කරන ලෙස වත්තල මහෙස්ත්‍රාත් අධිකරණය අද (16) නියෝග කළා.
පසුගිය නොවැම්බර් මස 29 සහ 30 දිනවල බන්ධනාගාරයේ ඇති වූ කලහකාරි සිදුවීමේදී බන්ධනාගාර රැඳවියන් 11 දෙනෙකු මියගොස් තිබුණා.
ඔවුන්ගෙන් සිව් දෙනෙකුගේ පශ්චාත් මරණ පරික්ෂණ වාර්තා මගින් අධිකරණයට පෙන්වා දී ඇත්තේ මරණවලට මූලික හේතුව වෙඩි වැදීම් බවයි.
ඒ නිසා අදාළ දේහයන් ආදාහනය කිරීමෙන් තොරව භූමදානය කිරීමට අවසර දෙන ලෙසට මියගිය පුද්ගලයින්ගේ ඥාතීන් සහ නීතිඥයින් අධිකරණයෙන් ඉල්ලා තිබුණා.
කෙසේ වෙතත් අද අධිකරණයේ තීරණය වූයේ අදාල සිරුරු ආදාහනය කිරීමටයි.