මේ වනවිට ජාතික සත්වයා ලෙස නම් කර ඇති දඩුලේනාගේ එම තත්ත්වය ඉවත් කිරීමට වුවද තමන් පසුබට නොවන බවට කෘෂිකර්ම අමාත්ය මහින්ද අමරවීර මින් පෙර ප්රකාශයක් සිදු කර තිබුනා.
ඒ, මෙරට ගොවිතැනට බරපතළ ලෙස හානි කරනු ලබන සත්වයින් හඳුනාගැනීම සඳහා කෘෂිකර්ම අමාත්යාංශයේ සහ වනජීවී අමාත්යංශයේ ලේකම්වරුන් දෙදෙනාගේ ප්රධානත්වයෙන් පත් කළ කමිටු නිර්දේශ අනුව එලෙස බරපතළ ලෙස ගොවිතැනට හානි කරනු ලබන සතුන් ලැයිස්තුවේ දඬු ලේනාගේ නම ද තිබීම හේතුවෙන්
කෙසේ වෙතත් ඊයේ (15) නැවතත් මාධ්ය වෙත අදහස් දැක්වූ කෘෂිකර්ම අමාත්යවරයා සඳහන් කළේ දඩුලේනා ජාතික සත්වයා ලෙස තවදුරටත් පවත්වා ගැනීමට තීරණය කර ඇති බවයි.
එම තීරණය සම්බන්ධයෙන් බරපතල විවේචන එල්ල වූ බවත් එවන් තත්ත්වයක් යටතේ අනවශ්ය අර්බුද මතු කර ගැනීම මේ මොහොතේ සුදුසු නොවන බවත් ඔහු මාධ්ය හමුවේ වැඩිදුරටත් කියා සිටියා.
කෙසේ වෙතත් ගොවිතැනට හානි කරන සතුන් මර්දනය කරන වැඩ පිළිවෙළක් වහාම සොයා ගත යුතු බව සඳහන් කරන කෘෂි කර්ම අමාත්ය මහින්ද අමරවීර පවසා සිටියේ එවැනි තත්වයක් යටතේ දඩුලේනා සතුව ඇති මෙම ජාතික පිළිගැනීම එයට බාධාවක් වී ඇති බවයි.