අග්‍රාමාත්‍ය මහින්ද රාජපක්ෂ මහතා අද දිනය තුළ බොහෝදුරට සිය ධූරයෙන් ඉල්ලා අස් වීමට නියමිත වනවා.
ඒ අනුව ආණ්ඩුක්‍රම ව්‍යවස්ථානුකූලව කැබිනට් මණ්ඩලයද විසිරයනු ඇති.
කෙසේ වෙතත් ජනාධිපති ගෝඨාභය රාජපක්ෂ මහතා තවදුරටත් සිය ධූරයේ කටයුතු කරනු ඇති බවටයි තොරතුරු වාර්තා වන්නේ.
ඉදිරියේදී අන්තර්කාලීන – සර්ව පාක්ෂික රජයක් ගොඩ නගනු ඇති බවට හිටපු අමාත්‍ය විමල් වීරවංශ මහතා ඇතුලු පිරිසක් පවසන නමුත් තවත් පිරිසක් පවසනේ බහුතරය හිමි පිරිසකට රජය භාරදෙනු ඇති බවයි.
කෙසේවෙතත් කුමන තත්වයක් යටතේ උවද ඉතා ඉක්මනින් මැතිවරණයකට යෑමට නව රජයට සිදුවනු ඇති.
මහින්ද රාජපක්ෂ මහතා මෙරට ඉතිහාසගත වන්නේ තිස් අවුරුදු යුද්ධය නිම කිරීමට දායක වූ ජනාධිපතිවරයා ලෙසයි.
ඔහු දෙවරක් ජනාධිපතිවරයා ලෙස තේරී පත් වූ අතර දෙවරක් අග්‍රාමාත්‍ය ධූරයද හොබවා තිබෙනවා.
