මහින්ද රාජපක්ෂ ධීවර අමාත්‍යවරයා ලෙස කටයුතු කළ සමයේදී යම් ව්‍යාපාරිකයන් දෙදෙනෙක්ට මහින්ද රාජපක්ෂ විසින් බැංකු ණය ලබා දුන් බවත් ඔවුන්ගේ ණය, බොල් ණය බවට පත් කළ බවත් පාර්ලිමේන්තු මන්ත්‍රී සනත් නිශාන්ත පවසනවා.
ඒ, ඊයේ (23) දින මාධ්‍ය අමතමින්.
එලෙස උපයාගත් ධනයෙන් එම ව්‍යාපාරිකයන් පසුව මාධ්‍ය ආයතනයක් ඇරඹි බවයි සනත් නිශාන්ත පවසන්නේ.
එලෙස මහින්ද රාජපක්ෂගේ උපකාරයෙන් ධනවත් වූ ව්‍යාපාරිකයන්ගේ මාධ්‍ය ආයතනය විසින් මහින්ද රාජපක්ෂටම චෝදනා කරමින් සිටින බවත් ඔහු පවසනවා.
මැයි 09 සිද්ධියේදී අරලියගහ මන්දිරයේ සිට යකඩ පොලු රැගෙන ආ බව එම මාධ්‍ය ආයතනය විසින් පැවසුවද හැකි නම් එය ඔප්පු කරන ලෙසට තමන් අභියෝග කරන බවයි ඔහු වැඩිදුරටත් පවසන්නේ.
