රත්නපුරේ ජනතාව දශක කිහිපයක් බලා සිටි මැණික් කුලුනක් ඉදිවීමේ සිහිනය අද පටන් යථාර්ථයක් වන බව ගරු අග්‍රාමාත්‍ය මහින්ද රාජපක්ෂ මහතා පවසා අත.
රාජපක්ෂ මහතා මේ බව පවසා ඇත්තේ රත්නපුර, දෙමුමාවත මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම නිමිත්තෙන් අන්තර්ජාල වීඩියෝ තාක්ෂණය ඔස්සේ සුබ පැතුම් එක් කරමින්ය.
ඒ අනුව ඉදිරි වසර 4ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 5ක විදේශ විනිමය ලැබෙනු ඇතැයි රජය අපේක්ෂා කරන බව ද අග්‍රාමාත්‍යවරයා මෙහිදී පෙන්වා දී තිබුණි.
මෙම උත්සවයට කර්මාන්ත අමාත්‍ය විමල් වීරවංශ, මැණික් හා ස්වර්ණාභරණ ආශිත්‍ර කර්මාන්ත රාජ්‍ය අමාත්‍ය ලොහාන් රත්වත්තේ, මැණික් හා ස්වර්ණාභරණ අධිකාරියේ සභාපති තිලක් වීරසිංහ මහත්වරු ඇතුළු මැති අමැතිවරුන් රැසක් එක්ව ඇත.
