ජනාධිපති ගෝඨාභය රාජපක්ෂ හා අග්‍රාමාත්‍ය රනිල් වික්‍රමසිංහ මහතාගේ මෙන්ම මහින්ද රාජපක්ෂ මහතාගේද ප්‍රධානත්වයෙන් ඊයේ (07) දිනයේ කැබිනට් රැස්වීම පැවති බව සම කැබිනට් මාධ්‍ය ප්‍රකාශක බන්දුල ගුණවර්ධන මහතා පවසනවා.
අද පැවති (08) කැබිනට් තීරණ දැනුම්දීමේ ප්‍රවෘත්ති සාකච්ඡාව ආරම්භ කරමින් ඒ මහතා පැවසුවේ මහින්ද රාජපක්ෂ මහතාද ඊට සහභාගී වූ බවයි.
කිසිදු කැබිනට් අමාත්‍ය ධූරයක් නොදරන මහින්ද රාජපක්ෂ මහතා මේ වන විට සාමාන්‍ය පාර්ලිමේන්තු මන්ත්‍රීවරයෙකු ලෙස පාර්ලිමේන්තුවේ කටයුතු කරනවා.
එවන් තත්ත්වයක් තුළ කැබිනට් රැස්වීම වැනි රජයේ විශේෂම අවස්ථාවකට ඔහු සහභාගීවූයේ කෙසේදැයි ආණ්ඩුව ජනතාවට පැහැදිලි කළ යුතු වනවා.
අති දැවැන්ත විනාශයක් කරමින් මැයි 09 වනදා අගමැති ධූරයෙන් ඉවත්වී ගිය මහින්ද රාජපක්ෂ වැනි පුද්ගලයෙකු කැබිනට් රැස්වීමට සහභාගීවීම මේ වන විට සියලු දෙනාගේම පුදුමයට හේතුවී තිබෙනවා.
