කථානායක මහින්ද යාපා අබේවර්ධන ස්වයං නිරෝධායනයට යොමු කර ඇති බව වාර්තා වේ.
කතානායකවරයාගේ ප්‍රභූ ආරක්ෂකයෙකුට සහ ප්‍රභූ ආරක්ෂක පෙර ගමන් මඟ රථයක රියදුරුු නිලධාරියෙකු හට කොවිඩ් 19 ආසාදනය වීම නිසා මෙසේ නිරෝධායනයට ලක් කර ඇත. අදාල පුද්ගලයන් දෙදෙනා කතානායකවරයා සහභාගි වූ රැස්වීම් කිහිපයකට පැමිණ ඇති බවත් වාර්තා වේ.
මීට අමතරව කථානායක නිල නිවෙසේ කාර්යමණ්ඩල 11 දෙනකු සහ ප්‍රභූ ආරක්ෂකයන් 18 දෙනකු ද මෙලෙස නිරෝධායනයට ලක් කර ඇත.
කෙසේ වෙතත් පසුගිය මාසයේදී කොවිඩ් 19 වෛරසයට තමන් ඖෂධයක් සොයා ගත්තා යැයි පැවසූ ධම්මික බණ්ඩාර මහතා නිෂ්පාදනය කළ ‘ධම්මික පැණිය’ද කතානායකවරයා පානය කළ අයුරු මාධ්‍ය හරහා දැකගන්නට ලැබුණි.
සබැදි පුවත්
