සමගි ජන බලවේගය නියෝජනය කරන පාර්ලිමේන්තු මන්ත්රී කිංස් නෙල්සන් මහතා අද (20) දින විශ්වාස භංගයට එරෙහිව ඡන්දය ප්රකාශ කරන බව අමාත්ය මහින්දානන්ද අලුත්ගමගේ මහතා පවසනවා.
එමෙන්ම, අවශ්ය නම් එක දුරකථන ඇමතුමෙන් ඔහුව ආණ්ඩු පක්ෂයට ගෙන්වා ගත හැකි බවයි අමාත්යවරයා පවසන්නේ.
අමාත්යවරයා මේ බව ප්රකාශ කර සිටියේ වාචික පිළිතුරු අපේක්ෂාවෙන් විපක්ෂයේ මන්ත්රීවරයෙකු අද දින පාර්ලිමේන්තුවේදී යොමු කළ ප්රශ්නයකට පිළිතුරු ලබා දෙමින්.
මෙහිදී වැඩිදුරටත් අදහස් පළකළ කෘෂිකර්ම අමාත්යවරයා.
“නෙල්සන් මන්ත්රීතුමා දැන් ඉදගන්න. ඔබතුමා එක වෙලාවකට මස්සිනා කියන දේ අහළ මේ පැත්තේ ඉන්නවා. තව වෙලාවකට අනිත් පැත්තේ ඉන්නවා. අද හවස ඔයා මේ පැත්තට එන්නනේ ඉන්නේ. අද හවස අපිට ඡන්දේ දෙන්නනේ ඉන්නේ. එහෙනම් දැන්ම ඇවිල්ලා ගනුදෙනුව ඉවර කර ගන්න. ඕනි නම් එක කෝල් එකකින් මේ පැත්තට ගන්න පුලුවන් ඔබතුමාව. රොෂාන් මොකද කියන්නේ ගන්නද මෙයාව. රොෂාන් ඇමතිවරයාව හමුවෙලා බුලත් අතක් දීලා සමාව ගන්න.”
කිංස් නෙල්සන් මන්ත්රීවරයාගේ මස්සිනා වන්නේ හමුදාපති ශවේන්ද්ර සිල්වා මහතායි.