කෘෂිකර්ම අමාත්යාංශයේ ලේකම්වරයා ලෙස කටයුතු කළ රෝහණ පුෂ්පකුමාර මහතා සිය ධුරයෙන් ඉල්ලා අස්වී තිබේ.
නාවලපිටිය ප්රදේශයේදී මාධ්ය වෙත අදහස් දක්වමින් කෘෂිකර්ම අමාත්ය මහින්දානන්ද අලුත්ගමගේ මහතා සඳහන් කළේ ලේකම්වරයා සිය ධුරයෙන් ඉල්ලා අස්වීමට හේතුව පෞද්ගලික හේතුවක් බව දැනුම් දී ඇති බවය.
ඒ අනුව කෘෂිකර්ම අමාත්යාංශයේ නව ලේකම්වරයා ලෙස වයඹ විශ්වවිද්යාලයේ කෘෂිකර්ම පීඨයේ උපකුලපතිවරයා පත්කර ගැනීමට පියවර ගනිමින් ඇති බව අමාත්යවරයා වැඩිදුරටත් සඳහන් කළේය.
මීට පෙර මහින්දානන්ද අමාත්යවරයාගේ ලේකම් ලෙස කටයුතු කළ විශ්රාමික මේජර් ජෙනරාල් සුමේධ පෙරේරා මහතා ද පෙබරවාරි මාසයේදී සිය ලේකම් තනතුරෙන් ඉල්ලා අස් වීමට කටයුතු කළා. ඔහු සිය ඉල්ලා අස්වීම ජනාධිපතිවරයාට භාර දුන් අතර එහිද දැක්වුනේ පෞද්ගලික හේතුවක් මත එසේ ඉල්ලා අස් වූ බවයි.
