එළැඹෙන 6 වනදා පාර්ලිමේන්තු මන්ත්රී ධූරයේත් නව කැබිනට් අමාත්ය ධූරයේත් බැසිල් රාජපක්ෂ මහතා දිවුරුම් දෙන විට ඒ හා සමඟම හිටපු ජනාධිපති මෛත්රිපාල සිරිසේන මහතා හා පාර්ලිමේන්තු මන්ත්රී එස්.බී. දිසානායක මහතාද අමාත්යවරුන් ලෙස දිවුරුම් දීමට නියමිත බව වාර්තා වනවා.
බැසිල් රාජපක්ෂ මහතා මුදල් රාජ්ය අමාත්ය ධූරයේ මෙන්ම ආර්ථික සංවර්ධන කැබිනට් අමාත්ය ධූරයේ දිවුරුම් දීමට නියමිතයි.
ආර්ථික සංවර්ධන අමාත්යධුරය යටතට කොළඹ වරාය නගරය, ආයෝජන මණ්ඩලය ඇතුළු දැනට මුදල් අමාත්යාංශය යටතේ පවතින ආයතන කිහිපයක් යළි ගැසට් කිරීමට නියමිත බවද වාර්තා වනවා.
මේ අතර හිටපු ජනාධිපති පාර්ලිමේන්තු මන්ත්රී මෛත්රීපාල සිරිසේන මහතා විසින් තමන්ට පරිසර අමාත්යධුරය ලබාදෙන ලෙස ඉල්ලීමක් කර ඇතැයි වාර්තා වනවා.
එස්.බී. දිසානායක මහතාට රාජ්ය අමාත්ය ධූරයක් හිමිවීමට නියමිත බවයි වාර්තා වන්නේ.