ඉදිරියේදී මෙරට විවාහ වන විට දරුවන් පස් දෙනෙකු සෑදිය යුතු බවට රජය නීති පැනවීම් සිදු කළ යුතු බවට යෝජනා කරන බව හිටපු කෘෂිකර්ම අමාත්ය පී හැරිසන් මහතා පවසනවා.
ඒ, දඹුල්ල ප්රදේශයේ විශේෂ මාධ්ය හමුවක් පවත්වමින්.
මෙරට රෙජිස්ටාර් ජෙනරාල්වරයා විසින් නිකුත් කරන ලද විවාහ ගිවිස ගැනීමේදී නව චක්ර ලේඛනය කඩිනමින් වෙනස් කොට මෙරට විවාහ ගිවිස ගැනීමේදී දරුවන් පස්දෙනෙකු අනිවාර්ය කරන ලෙස නීති පනවා එක් දරුවෙකු තෙල් පෝලිම්ටත්, අනෙක් දරුවා ගෑස් පෝලිමටත්, තවත් දරුවෙකු හාල් පෝලිමටත්, තවත් දරුවෙකු කිරිපිටි පෝලිමටත් තබාගැනීමටත් කටයුතු කළ යුතු බවයි ඔහු පවසන්නේ.
රටේ දැවෙන ප්රශ්න වලට පිළිතුරක් ලබා නොදීම නිසා ජනතාව පීඩනයටකට පත් වෙමින් සිටින බවත් ගෑස් උදුන් සහ ඒ ආශ්රිත විනාශවීම් පිළිබඳව මෙතෙක් රජය ජනතාවට සාධාරණය ඉටු කර නැති බවත් ඔහු පෙන්වා දෙනවා.