2024 වසරේදී පොදු අපේක්ෂකයා බවට පත්වීමට කිසියම් පක්ෂයක් යෝජනා කළහොත් එය භාර ගැනීමට තමා පසුබට නොවන බව හිටපු ක්‍රීඩා ඇමති රොෂාන් රණසිංහ මහතා පවසනවා.
මහනුවර ප්‍රදේශයේදී මාධ්‍යවේදීන් ඇසූ ප්‍රශ්නයකට පිළිතුරු දෙමින් රොෂාන් රණසිංහ මහතා අද (15) මේ බව ප්‍රකාශ කළා.
රොෂාන් රණසිංහ මහතා සඳහන් කළේ තමා විසින් නායකත්වයේ වගකීම් ඉෂ්ඨ කර ඇති බව පෙනෙන්නට තිබේ නම් එවැනි යෝජනාවක් හෝ වෙනත් ඕනෑම අභියෝගයක් භාර ගැනීමට තමා සූදානම් බවයි.
එහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී රොෂාන් රණසිංහ මහතා,
“අනේ අනේ මට බෑ කියල මම හැංගෙන මිනිහෙක් නෙමෙයි. වගකීම භාර ගන්නවා. මේ රට හදන්න පුළුවන්. විගණනයට බලතල දෙන්න ඕන. ප්‍රජතන්ත්‍රවාදී විදියට විගණකාධිපතිට එහා කෙනෙක් නෑනේ දූෂණය අල්ලන්න. ඉතින් එතුමා දූෂණය කියල පැහැදිලිව පෙන්නුවට පස්සේ දූෂිතයෝ රැකුණා. හොරු අල්ලල දීපු ඇමතිවරයා ලෝක දේශපාලන ඉතිහාසයේ පළවෙනි වතාවට ඉවත් කළා.”
