ඉදිරි වසර 10 ඇතුළත ශ්‍රී ලංකාව ආසියාවේ සංවර්ධිත රටක් බවට පත් කිරීමට කටයුතු කරන බව ශ්‍රී ලංකා පොදුජන පෙරමුණේ ජනාධිපති ධුර අපේක්ෂක නාමල් රාජපක්ෂ මහතා පවසනවා.
තවදුරටත් අදහස් දක්වමින් නාමල් රාජපක්ෂ මහතා සඳහන් කළේ ගොවියා ආරක්ෂා කරමින් සාධාරණ ස්ථාවර මිලක් ලබා දිමට කටයුතු කරන බවයි
අඟලවත්ත ප්‍රදේශයේ පැවති ජන රැලියක් අමතමින් නාමල් රාජපක්ෂ මහතා මෙම අදහස් පළ කළා.
“අපි හදන ආණ්ඩුවකින් දේශීය ගොවියා ආරක්ෂා කරනවා වගේම, දළු ටික, ගොවියාගේ ගම්මිරිස් ටික, කිරි ටිකට සාධාරණ ස්ථාවර මිලක් ලබා දෙන්න අපි පැහැදිලිව කටයුතු කරන බව ඔබ තමුන්වහන්සේලාට මතක් කරනවා. අපි විශ්වාස කරනවා කුඩා තේ වතුහිමියන්ටත් පොහොර සහනාධාරය ලබා දෙන්න. අපි සැලැස්මක් හා වැඩපිළිවෙලක් එක්ක වැඩ කරන්නේ. අපි බලවේගයක්. පක්ෂයක්. ප්‍රතිපක්තිගරුක දේශපාලන පක්ෂයක්. ඒ නිසා අපිට සැලැස්මක් හා වැඩපිළිවෙලක් තියෙනවා. ඒ වගේම මං වගකීමකින් කියනවා මගේ ආදරණීය අම්මේ, තාත්තේ ඊළඟ අවුරුදු 10 ඇතුළත ආසියාවේ සංවර්ධිත රට බවට ශ්‍රී ලංකාව පරිවර්ථනය කිරීමේ වගකීමත් අපි ඉෂ්ට කරන බව ඔබතමුන්වහන්සේලාට ප්‍රකාශ කරනවා. අසීරු කාලයක, අභියෝගාත්මක කාල සීමාවක ප්‍රතිපක්තිගරුක දේශපාලනයකට කණ්ඩායමක් එක්ක මේ රට ගොඩනගන්න අවශ්‍ය දේශපාලන බලවේගය නිර්මාණය කරලා තියෙන්නේ. ඔබට මං ආරාධනා කරනවා 21 වෙනිදට පොහොට්ටුව ඉස්සරහ කතිරේ ගහලා ශ්‍රී ලංකා පොදුජන පෙරමුණ ජයග්‍රාහී මාවතට යොමු කරන්න.”
