ජාත්යාන්තරයේම අවධානය දිනාගත් තරුණියක වන මලාලා යූසුෆ්සායි විවාහ ගිවිසගෙන තිබෙනවා.
බ්රිතාන්යයේ බර්මින්හැම් නුවරදී පැවති මෙම විවාහ ගිවිස ගැනීමේ උත්සවය ඉස්ලාමීය ‘නිකා’ චාරිත්රවලට අනුව පවත්වා ඇති බව විදෙස් මාධ්ය වාර්තා කරනවා.
මලාලා යූසුෆ්සායි මෙලෙස විවාහ ගිවිසගෙන ඇත්තේ පාකිස්තාන ජාතික අසර් මලික් නම් තරුණයෙක් සමගයි.
ඔහු පාකිස්තාන ක්රිකට් පාලක මණ්ඩලයේ (PCB) සාමාන්යාධිකාරීවරයා ලෙස කටයුතු කරනවා.
කාන්තා අයිතිවාසිකම් වෙනුවෙන් මෙන්ම බාලිකා අධ්යාපනය වෙනුවෙන් ද හඬ නගන මලාලා 2012 වසරේදී ජාත්යාන්තරයේම අවධානය දිනාගත්තා.
ඒ බාලිකා අධ්යාපනය වෙනුවෙන් පාකිස්තාන් තලේබාන් ත්රස්තවාදීන්ට එරෙහිව හඬ නැගීම හේතුවෙන් තලේබාන් තුවක්කුකරුවකු ඇය ගමන් කරමින් සිටි පාසල් බස් රියට ගොඩ වී මලාලාගේ හිසට වෙඩි තැබීමත් සමගයි.
බරපතළ ලෙස තුවාල ලැබූ මලාලා බ්රිතාන්ය අග්රාමාත්ය ඩේවිඩ් කැමරන්ගේ උපදෙස් අනුව වැඩිදුර ප්රතිකාර සඳහා ලන්ඩනයට රැගෙන ගියා.
ඉන් අනතුරුව ඇය ඇගේ මව පියා සහ සොහොයුරා සමඟ බ්රිතාන්යයේ ජීවත් වන අතර ඇය මේ වන විට ඔක්ස්ෆර්ඩ් සරසවියෙන් සිය උපාධියද සම්පූර්ණ කර සිටිනවා.